Cylchoedd

Gelli di ddefnyddio pi i gyfrifo cylchedd ac arwynebedd cylch. Cynrychiolir pi gan y symbol hwn π ac mae’n cynrychioli’r rhif bras 3.141592.

Part of

Cylchedd

Rydyn ni eisoes wedi gweld bod ${cylchedd}\div{diamedr} = \pi$ .

Felly, mae ${cylchedd} = \pi\times{diamedr}$ . Gallwn ni ysgrifennu hyn fel:

${C} = \pi{d}$

Mae’r diamedr ddwy waith hyd y radiws, felly gallwn ni ysgrifennu’r fformiwla hon fel:

${C} = {2}\pi{r}$

Question

Mae gan gylch ddiamedr o {10}~cm . Canfydda ei gylchedd. (Defnyddia $\pi = {3.14}$ )

Gan ddefnyddio ${C} =\pi{d}$

${C} = {3.14}\times{10}$

{C} = {31.4}~cm

Gan ddefnyddio ${C} = {2}\pi{r}$

${C} = {2}\times{3.14}\times{5}$

{C} = {31.4}~cm

Question

Mae gan Arwel a Beca byllau dŵr siâp cylch yn eu gerddi.

Mae gan bwll Arwel ddiamedr o {6}~m .

Mae gan bwll Beca ddiamedr o {3}~m .

Mae Arwel yn dweud bod cylchedd ei bwll ddwy waith cylchedd pwll Beca.

a) Canfydda gylchedd y ddau bwll (defnyddia $\pi = {3.14}$ ).

b) Ydy gosodiad Arwel yn gywir?

a) Cylchedd pwll Arwel ydy $\pi{d} = {3.14}\times{6} = {18.84}~m$ a chylchedd pwll Beca ydy $\pi{d} = {3.14}\times{3} = {9.42}~m$ .

b) Mae’r atebion i a) yn ei gwneud hi’n glir bod gosodiad Arwel yn gywir, gan fod ${18.84} = {2}\times{9.42}$ .