Àrd-thalamh eighichte

Ro-ràdh

Coimhead air a' mhap gu h-ìosal a tha a' sealltainn àrd-thalamh eighichte san RA.

Cl‡r Sionoptaig airson 14 Samhain 2010Dealbh-tìre eigheadail

’S e feartan àrd-thalamh eighichte a th’ anns na leanas:

  • Coire
  • Stùc phioramaideach
  • Arête
  • Gleann air chumadh U

Àrd-thalamh eighichte ann an Alba

Mar a bhios deigh a' bleith

  • Spìonadh - bidh an deigh aig bonn eigh-shruth a' leaghadh air sgàth bruthadh agus suathadh. Bidh uisge a' reothadh ann an sgoltaidhean nan creagan air sgàth seo agus nuair a ghluaiseas an t-eigh-shruth, spìonaidh e leis cnapan agus fàgaidh e uachdar eagach. Tha seo an uair sin a' fàgail stuth airson sgrìobadh.
  • Sgrìobadh - bidh creagan a tha steigte san deigh a' sgrìobadh na fo-chreige fon eigh-shruth. Cuimhnich: Bidh am pròiseas sìde-chaitheamh, reothadh is aiteamh/briseadh deighe cuideachd a' tachairt ann an sgìrean àrd-thalaimh.
  • Reothadh is aiteamh - bidh uisge ann an sgoltaidhean nan creagan a' reothadh agus a' meudachadh agus a' toirt air a' bheàrn fosgladh. Nuair a leaghas an deigh, gheibh barrachd uisge a-steach dhan sgoltadh agus reothaidh e a-rithist. An dèidh do reothadh is aiteamh tachairt iomadh turas, bidh cnapan creige a' briseadh far an uachdair.