Sìne Bhàn

Òran air a sgrìobhadh le: Donnchadh MacIain agus air a sheinn le: alasdair ròs, An t-Urr. Dòmhnall Mìcheal MacAonghais, Calum Ceanadach, Coinneach MacRath, còisir ghàidhlig cheann loch gilb, Dòmhnall MacLeòid, Fionnlagh MacNèill agus pàdraig macCuain.

This is a song written by: Donnchadh MacIain and sung by: alasdair ròs, An t-Urr. Dòmhnall Mìcheal MacAonghais, Calum Ceanadach, Coinneach MacRath, còisir ghàidhlig cheann loch gilb, Dòmhnall MacLeòid, Fionnlagh MacNèill and pàdraig macCuain.

Facail an Òrain / Song Lyrics

Blàth nan cailin, Sìne Bhàn
Reul nan nighean, dìleas òg,
Cuspair dìomhair i dom dhàn,
Gràdh mo chridh', an rìbhinn òg.

Àros sona bh' againn thall
Àirigh mhonaidh, innis bhò.
Sgaoil ar sonas uainn air ball
Mar roinneas gaoth nam fuar-bheann ceò.

Bruaillean cogaidh anns an tìr
Faic an long a' togail sheòl,
Cluinn an druma 's fuaim na pìob
Faic na suinn a' dol air bòrd.

Feumaidh mise triall gun dàil
Chi mi 'm bàrr a croinne sròl.
M' eudail bhàn, o soraidh slàn
Na caoin a luaidh, na sil na deòir.

Cha ghaoir-cath' no toirm a' chàs'
Dh'fhàg min dràsd' fo gheilt is bròn
'S e na dh'fhàg mi air an tràigh,
Sìne Bhàn a rinn mo leòn.

Sìnte 'n seo air achadh blàir,
'S duine 'mhàin cha tig nam chòir
O, 's nach robh mi anns an Àird
Le Sine Bhàn a' ruith nam bò.

Ma tha e 'n dàn mi bhith slàn
Stadaidh ràn nan gunnan mòr
Am Baile Mhonaidh nì mi tàmh
Le Sìne Bhàn, mo rìbhinn òg.

Tuilleadh Fiosrachaidh

Nochd cruinneachadh de na h-òrain aige anns an leabhar Crònan nan Tonn an toiseach ann an 1939. Chaidh deasachadh ùr den leabhar, le ceithir òrain a bharrachd, fhoillseachadh le Ceit NicIain, Inbhir Nis, 1997.

Seinneadairean / Performers

Calum Ceanadach

Calum Ceanadach

Rugadh Calum Ceanadach air 2 Ògmhios 1928, ann an Orasaigh, ann an ceann a deas Sgìre nan Loch, ann an Leòdhas. B' e Murchadh Ceanadach ...

Fiosrachadh air Calum Ceanadach / Learn more about Calum Ceanadach

Dòmhnall MacLeòid

'S ann à Port na h-Abhainne ann an Ìle a tha Dòmhnall MacLeòid, baile beag anns nach eil ach nas lugha na dà cheud neach ...

Fiosrachadh air Dòmhnall MacLeòid / Learn more about Dòmhnall MacLeòid
Fionnlagh MacNèill

Fionnlagh MacNèill

'S ann am Port Ghlaschu a rugadh Fionnlagh MacNèill (1931-2007). Bha athair, Dòmhnall na Scarpaich, na sgiobair air tè de na bàtaichean a bha a' ...

Fiosrachadh air Fionnlagh MacNèill / Learn more about Fionnlagh MacNèill

Coinneach MacRath

Rugadh Coinneach MacRath ann am Pittsburgh, Pennsylvania, anns na Stàitean Aonaichte, sa bhliadhna 1890. Bha a phàrantan air a dhol tarsainn a' chuain goirid an ...

Fiosrachadh air Coinneach MacRath / Learn more about Coinneach MacRath
An t-Urr. Dòmhnall Mìcheal MacAonghais

An t-Urr. Dòmhnall Mìcheal MacAonghais

Rugadh an t-Urramach Dòmhnall Mìcheal MacAonghais ann am Baile Ghobhainn, ann an Glaschu, ach 's ann am Bragar air taobh Siar Leòdhas a thogadh ...

Fiosrachadh air An t-Urr. Dòmhnall Mìcheal MacAonghais / Learn more about An t-Urr. Dòmhnall Mìcheal MacAonghais

Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.