Афғонистонда 9 ярим минг британ аскари жойлаштирилган
Британия Ташқи ишлар вазири Увилям Ҳэйг афғон кучлари 2014 йилгача ўз мамлакатлари хавфсизлигини тўла зиммаларига олишмаса, "жуда ҳайрон қолиши" айтган.
Ташқи ишлар вазири британ кучларининг Афғонистондан олиб чиқиб кетилиши юзасидан вақт жадвали йўқлигини таъкидлаган. Қўшинларнинг у ерда қанча пайт қолиши юзасидан Консерваторлар партияси орасида бўлинишлар бўлгани ҳақида хабар қилинганди.
Аммо, жаноб Ҳейг Буюк Британия кучлари 2015 йил келаси умумий сайловларгача Афғонистонда қолишини кутмаётганини айтган.
Афғонистонда Британиянинг 9 ярим минг қўшини жойлаштирилган. 2001 йил Афғонистон уруши бошланганидан бери у ерда 300 нафар британ аскари нобуд бўлган.
Афғонистонда стратегия ўзгармайди
Айни пайтда НАТОнинг айтишича, Афғонистонда янги қўмондон тайинланиши у ердаги страгетиянинг ўзгаришини англатмайди.
Бу ҳақда чоршанба куни янги қўмондон этиб тайинланган Генерал Девид Петреус Кобулга учишидан аввал Брюсселда НАТОдаги ҳамкорлар билан учрашуви чоғида гапирган.
"Аксил исёнкорликда аҳоли яшайдиган ҳудудлар жуда муҳим. Сиз бегуноҳ фуқароларнинг ҳаётини сақлаб қолиш учун қўлдан келган барча ишни қилишинигиз зарур. Мен Сенатдаги чиқишимда ҳам айтганим каби, биз Афғонистондаги қоидаларни ўзгартирмаймиз", деб айтган Америка Генерали.
Толибон эса, Афғонистон ҳукумати ёки НАТО генераллари билан музокара олиб бориш нияти йўқлигини айтган.
Би-би-сига тақдим этилган баёнотда Толибон раҳбарлари урушда ғолиб келаётганлари ва музокарадан маъни йўқлигини айтишган.
SMS рақамимиз: +44778620112
~RS~a~RS~uzbek~RS~q~RS~~RS~z~RS~53~RS~){kind=small}
