Дунё

Мисрда ўтаётган президентлик сайловида иккинчи турга "Мусулмон Биродарлари" фирқаси вакили Муҳаммад Мурсий ва собиқ президент Ҳусни Муборак даврида бош вазир вазифасини бажарган Аҳмад Шафиқ чиқишди, дея хабар беради Миср расмий матбуоти.

Сурия армиясининг Ҳомс вилояти Хула шаҳрига қилган ҳужумида камида 90 инсон ҳалок бўлган. Ўлганларнинг 25 нафари ёш болалардир. Мухолифат фаоллари ҳужумни "қирғин" дея аташган.

Карнеги халқаро тадқиқот марказига кўра, Яқин Шарқда янгича сиёсий тартибот юзага келаяпти. Бу - Ислом, демократия ва дунёвий давлатчилик уйғунлиги.

Франциянинг янги президенти Франсуа Олланд Франциянинг Афғонистондаги миссияси режадагидан бир йил олдин тугатилишини яна бир бор билдирган. "Терроризм ва толиблар билан кураш ўзининг якунига етмоқда",-деб айтган жаноб Олланд.

Америка Покистондан доктор Шоқил Афродийни озод қилишни сўраган. Америка сенати Федерал разведка бошқармасига Усама бин Лодиннинг қаердалигини айтган покистонлик шифокорни ҳибсга олгани учун Исломободга бериладиган ёрдам пулини 33 млн.га қисқартирган.

Мисрда икки кун давом этган президентлик сайловларидан сўнг овозлар саналмоқда. Бу сайлов мамлакат тарихидаги илк эркин сайлов бўлгани айтилган. Ҳозирча илк натижаларгина эълон қилинган, овозларни ҳисоблаш жараёни ҳафта бошигача давом этиши мумкин.

Боку полицияси Озарбайжон Жамоат телевидениесининг биноси ўнгида норозилик намойишини ўтказмоқчи бўлган ҳисобланмиш ўнлаб мухолифатчиларни тарқатиб юборган.

Ставропол ўлкаси маҳкамаси 'рус ваҳобийси' деб танилган Виктор Двораковскийни террорга оид айблар билан 23 йиллик қамоққа ҳукм этган.

Украина Миллий Олимпия қўмитасининг бош котиби Владимир Герашенко ўз вазифасидан четлатилган. Бунга Би-би-сининг тадқиқот хабари сабаб бўлган.