BBC navigation

Меҳнат муҳожири Баҳром Хуррамов Россияни тарк этган

Сўнгги янгиланиш 21 феврал 2013 - 14:09 GMT

Россия оммавий ахборот воситаларига кўра, россиялик ўсмирни жағини синдиришда айбланган Баҳром Хуррамов Ўзбекистонга қайтган.

Айни пайтда унга иш берган коммунал хизмат ташкилоти 4 миллион 400 минг рубл миқдорида жаримага тортилгани айтилади.

Россия муҳожирлик хизмати ходимларининг билдиришича, улар ўтказган текширув натижасида 30 га яқин хориж фуқаролари, шу жумладан Баҳром Хуррамов ҳам Россияда ноқонуний ишлаб келгани аниқланган.

Баҳром Хуррамов 16 февралда Россиядан чиқиб кетган. Орадан 5 кун ўтгач, Хуррамов ишлаб келган коммунал хизмат бошқармасига жарима солингани билдирилган.

Шу йилнинг бошида Баҳром Хуррамов москвалик ўсмир болага тан жароҳати етказганликда айблаб ҳибсга олган. Бироқ 4 февралда Москвадаги Зюзинский маҳкамаси жиноий ишни ёпиқ деб эълон қилган эди.

Ўтказилган текширув-суриштирув ишлари натижасида Хуррамов таёқ отиб жароҳатлаган ўсмир боланинг ўзи безориликка алоқадор бўлиши мумкинлиги аниқланган.

Бу воқеа жамоатчилик орасида, ижтимоий тармоқларда кенг фикр-мулоҳазаларга сабаб бўлган.

Баҳром Хуррамовни ҳимоя қилиб чиққан журналист аёл меҳнат муҳожирни ёқлагани учун ўз ишидан ҳам айрилган эди.

Биз билан боғланинг

* Тўлдириш шарт бўлган жойлар

Ушбу мавзуга оид кўпроқ материаллар

Алоқадор мавзулар

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.