 |
|
|
|
|
|
|
||||||||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||||||||||||
~RS~a~RS~Uzbek~RS~q~RS~~RS~z~RS~39~RS~){kind=small}
|
Англия премьерлигаси - дунёнинг энг бадавлат лигасидир
|
|||||||||||||||||||||||||||||||||||||||||||||||||||||||||||||||||||||||||
Deloitte консалтинг ширкатининг билдиришича, Англия премьер лигаси дунёдаги энг бадавлат лигадир. Ширкатнинг дунёнинг энг бой клубларига оид рўйхатида Англиянинг 8 та клуби юқори йигирматаликдан жой олган. Мутахассисларнинг айтишларича, телетрансляцияга оид янги даромадли битимлар ортидан инглиз клублари дунё бўйлаб энг бадавлат клублар рўйхатининг ярмидан кўпроқ ўрнини эгаллашлари мумкин. Бироқ испаниялик икки футбол наҳанглари - "Реал" ва "Барселона"ни ҳали-вери ҳеч ким улар эгаллаб турган икки олд ўринларидан четлата олмаса керак. "Реал" бадавлатлик борасида дунёнинг барча клубларини ортда қолдирган. Клубнинг йиллик даромади йилига 380 миллион долларни ташкил этади. Спорт масалалари бўйича таҳлилчи Дэн Жонс бунинг сабабини клубнинг футбол юлдузларини қанчалик уддабуронлик билан сотиб олишда давом этаётгани билан изоҳлайди. Бироқ шуни таъкидлаш жойизки, "Реал" етакчилик мавқеини бор-йўғи ўтган йили қўлга киритган. Унгача дунёнинг энг бадавлат клублари рўйхатида Англиянинг "Манчестер Юнайтед" клуби етакчилик қилиб келаётганди. Ҳозир эса, қизил иблислар рўйхатда тўртинчи ўринни эгаллаб туришибди. Ҳаттоки, Италиянинг "Ювентус" клуби ҳам улардан ўзиб кетган.
Британияликлар нимага умид қилишмоқда?
Айрим британияликларнинг умид қилишларича, "Олд Траффорд" стадионини замонавийлаштириш "Манчестер Юнайтед"га яна энг юқори ўринга чиқиш имконини бериши мумкин. "Челси" эса, ўтган йили олти поғона пастлаган, Чемпионлар Лигасининг финал босқичига чиқишга муваффақ бўлган "Арсенал" эса, юқорироқ кўтарилиб, дунёнинг энг бадавлат клублари рўйхатида тўққизинчи ўринни эгаллаган. Deloitte ширкати ўз рўйхатини тузишда чипталардан тушган даромад, телевизион трансляцияларга оид шартномаларнинг қиймати, янги ўйинчиларни сотиб олишдан тушган маблағ ва яна кўплаб факторларни инобатга олган. Сўнгги вақтларда йирик халқаро турнирларда тўп сурмаган "Реал" айнан муваффақиятли олди-сотдилари туфайли дунёнинг энг бадавлат клубига айланган. Ўтган йили клубнинг даромади 202 миллион фунтга ошган. Ўтган йил билан солиштирганда бу 186 миллионга кўпдир. "Барселона" эса, Чемпионлар Лигасида ғолиб чиқиши ортидан дунёнинг энг бадавлат клублари рўйхатида иккинчи ўринни эгаллаган. |
||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||
ОХҲТ: сайловчилар олдида ҳақиқий танлов бўлмаган
