محب مدثر

	خالد حسینی ینگی رومانی "مینگ ته چقناق قویاش"ده ، ایکی افغان عیالی نینگ عین دمده گی ایچکی کیچینمه و اضطراب لری و حیات مجادله لری حقیده یازه دی

دنیا کتاب بازاری ، اصلی افغانستان لیک بولگن امریکا ده یشه یاتگن تنیقلی یازووچی خالد حسینی ننیگ ینگی رومانیگه میزبان بولدی

جناب حسینی نینگ ینگی کتابی "مینگته چقناق قویاش" دیب ناملنگن

خالد حسینی نینگ بیرینچی رومانی ، وررک اوچوروچی (کاعذ پران باز ) ، 9 نچی سیپتیمبر حادثه سیدن کیین کی افغانستان ده گی تویغو لر نی عکس ایتدیر گن بیر حکایه بولیب ، دنیا بویلب هم میلونلر چه خواننده نی اوزیگه جلب ایتدی

اونینگ ینگی رومانی "مینگ ته چقناق قویاش" ، هم حاضر ده 8 میلیون نسخه ده چاپ بولگن و دنیا ده ایریک موفقیت قازانیشیگه امید لر کتته

. خالد حسینی نینگ بیرینچی رومانی وررک اوچوروچی ، نازک خیاللیک بیلن ایکی ایرکک نینگ افغانستان ده گی اوروش لر و طالب لر نینگ حاکمیتی زمانیده بیر گه یشش لرینی و ایچکی کیچینمه لری و اظطراب لری نی عکس ایتدیر گن. اوشبو رومانی ، دنیا بویلب میلیون لر چه اوقووچی لر و خواننده لر نی جلب ایتدی

اوشبو رومان یازیلیشی دن تورت ییل اوتیشی بیلن ، اصلی افغان بولگن امریکا لیک یازووچی خالد حسینی " مینگ ته چقناق قویاش" ناملی ینگی رومانیده بو مرته ، برقع آستیدن حیات گه نظر تشله ش گه اینتیلگن. حسینی اوشبو ینگی رومانیده ، ایکی افغان عیالی نینگ عین دمده گی ایچکی کیچینمه و اضطراب لری ، غلبه و مغلوبیت لری و حیات مجادله لری حقیده یازه دی

عایله سی افغانستان دن امریکا گه مهاجر بولیب بارگن یازووچی
خالد حسینی ، ینگی کتابی ده ، بیر ایرکک بیلن تورموش قوریش گه مجبور بولگن ایکی افغان عیالی ، لیلا و مریم حقیده حکایه قیله دی

قیرق ایکی یاشیده کی خالد حسینی نینگ ایتیشیچه ، او، اوشبو کتاب ده گی حکایه الهامینی 2003 نچی ییلی افغانستان ده بولگن سفریدن کورگن و ایشیتگن لریدن آلگن

جناب حسینی ینگی کتابی نینگ نامینی "مینگ ته چقناق قویاش" عباره سی نی ،فارس شاعری صائب تبریزی غزلیدن آلگن

"مینگ ته چقناق قویاش" رومانی ، افغانستان ده گی اوتکن 30 ییللیک واقعه لر نی قمره ب آله دی . سابق شورالر اتفاقی نینگ اشغالی آستیده گی زماندن ،مجاهد لر حاکمیتی ، ایچکی اوروشلر ، طالب لر پیتیگه چه و طالب لر دن کیین گی قیته تیکله نیش دوره لری حقیده هم حکایه قیله دی

رومانده ایکی اولاد نینگ حیاتی عکس ایته دی. بو ایکی اولاد نینگ حیاتی ، اوروش دوره لری آغیر دم لری بیلن ، هم عین شخص لر (لیلا و مریم ) حیاتی ده تصویر لنه دی

رومان ده گی اکثر حادثه لر افغانستان ده روی بیره دی . اونده کوپینچه اوتگن اوچ اون ییللیک اوروش دوریده گی افغان عیال لری نینگ سیما سی نی تصویر لش گه اینتیلگن. رومان باشی ده هم افغان قیز لری ایچیده گی قورقوو و وحشت نی عکس ایتدیره دی. حکایه نینگ فضا سی ایچکی اوروش لر و قان توکیلیشی بیلن توله و اوشبو جنایت لر نینگ کوپیسی هم افغان خاتین- قیز لریگه قرشی یولگه قوییلگن

	خالد حسینی نینگ بیرینچی رومانی وررک اوچروچی (کاغذ پران باز ) دنیا بویلب میلونلر چه خواننده نی اوزیگه جلب ایتگن ایدی

ینگی کتابیده حسینی جنابلری ، باشدن افغانستانده گی عیال لر نینگ وضیعتی نی آچیق لب بیره دی. باش ده ، کتاب ده گی ایکی ته قهرومان دن بیری سی نینگ آنه سی : " بیز نینگ اکثریمیز نینگ یمان حیاتیمیز ، قشاق لیگیمیز ، بیز گه اوخشه گن اوقیمه گن عیال لر" ،کبی عبا ره لر نی ایشله تیب بد بین لیک بیلن ، ایرکک لر نینگ جبرو ظلمینی چیده شی کیره ک بولگن و جمیعت تیگیرومان تاشی آستیده ایزیله یاتگن عیال لر حقیده سوز یوریته دی

جناب حسینی ، رومانیده ، خواننده نی ، حیات مشقت لری نینگ ایچیگه تارتیشگه موفق بولگن و حکایه بارگن سری مریم و لیلا حیاتیده گی مشقت لر نی اوقووچی لر گه سیزگیر قیلیب بیریشگه اینتیلگن
شو نینگ دیک هر ایکی قهرومان نینگ کونده لیک حیات لری نی ایضا حلش بیلن بیر گه کابلده گی کون ده لیک حیات نینگ قنده ی ایکن لیگی نی هم توشونتیر گن

جناب حسینی مینگ ته چقناق قویاش ده ، افغانستان ده کی سیاسی جریان لر گه هم نظر تشله گن. اونده افغانستان ده کی تورلی حزب لر و گروه لر شو نینگ دیک قوراللی گروه لر نینگ رهبر لری حقیده هم سوز باره دی و یازووچی اولر حقده هم اوز خلاصه سی نی حکایه لر ارقه لی بیریشگه اورینگن
شو نینگ دیک خالد حسینی اوز کتابیده ، افغانستان تاریخی یانیده ، خواننده نی افغانستان تاریخی مکان لری ، طبیعی گوزللیک لری و عرف و عادت لری بیلن هم آشنا قیلیش گه حرکت قیله دی. هر چند ایریم پیت لر خواننده اوزی نی حکایه نینگ اصلی مرکزیدن اوزاقلشگن دیب هم سیزیشی ممکن.

عینی دمده حکایه دوامیده ، افغانستان تاریخی بیلن باغلی بولگن ایریم بولگه لر شو جمله دن پشاور و مشهد شهر لری حقیده هم سوز باره دی. ایریم پیت لر جناب حسینی نینگ بو شهر لر حقیده سوز یوروتیشی ، حکایه نینگ بیر کیرکلی بولیمی بولیشیدن کوپراق خواننده گه معلومات بیریش گه اوخشه گن لیگی گه هم گواه بولیش ممکن
بو ایسه ایریم منقد لر یانیده حکایه نی کوچسیز لنتیر گن و خواننده نینگ حکایه نینگ اصل مرکزیدن چیتده قالیشیگه هم سبب بوله دی

اما ینه هم کورینیشیدن خالد حسینی "مینگ ته چقناق قویاش ده " بوندن تورت ییل مقدم چاپ بولگن "وررک اوچوروچی" روماندن کوره انچه موضوع گه چقرراق نظر تشله گن و ینگی کتابی حجمی هم انچه کته

نهایت ده خالد اوز رومانیده ، کوپگینه امریکا لیک و غربلیک لر گه فقط خبر لر ده گی اوروش و تروریسم آرقه لی تانیش بولگن افغانستان ایچیدن باشقه بیر تصویر بیریشگه اینتیلگن

شو باعث اونینگ بو رومانی هم بوندن آلدین گی وررک اوچوروچی رومانی کبی ،موفقیت قازانی یشی گه امید لر کتته