-
Афғонистоннинг Ҳирот шаҳридаги улуғ шоир ва мутафаккир Алишер Навоий қабри йилларки ташландиқ ҳолда ётибди. -
Бир неча йил аввал Ўзбекистон кўмаги билан мақбарани тиклаш ишлари бошланганди, лекин тез орада иш тўхтаб қолди. -
Расмийлар хавфсизлик муаммоларини рўкач қилдилар, бошқалар таъмирлаш ишларининг халқаро ташкилотлар томонидан танқид остига олиниши сабаб, дедилар. -
Бир ярим йилча аввал Ўзбекистоннинг халқаро Бобур жамғармаси раиси Ҳиротга сафар қилиб, мақбарини тиклашнинг янги лойиҳасини таклиф қилди. -
Ўзбекистон вакиллари мақбарини тиклаш учун Ўзбекистон Президенти томонидан 1 миллион америка доллари ажратилганлигини ҳам маълум қилдилар. -
Ўзбекистон вакиллари таъмирлаш ишлари икки ойлардан сўнг бошланишини айтдилар, лекин ўша вақтдан бери лойиҳани амалга ошириш йўлида бирон қадам қўйилмаган. -
Ҳирот ҳокимияти ва Афғонистон парламенти вакиллари бу борада ЎЗбекистон элчихонасига бир неча бор мурожаат қилишган, бироқ бу мурожаатлар ҳозирча жавобсиз... -
Ҳозирда Афғонистон Маданият ва ахборот вазирлиги мақбарани қайта тиклаш учун маблағ ажратиб, тиклаш ишлари Навруз айёмидан сўнг бошланишини маълум қилган.
~RS~a~RS~uzbek~RS~q~RS~part=last~RS~z~RS~51~RS~){kind=small}
