Махсус фоторепортаж

Сўнгги янгиланиш 10 январ 2012 - 16:05 GMT

Олимпия стадионига Лондон шарқида жойлашган Стратфорддаги Олимпия хиёбонининг жанубий эшигидан кириб борасиз. Ўйинлар ортидан "Вест Ҳам" футбол клуби фойдаланиши учун стадионда вақтинчалик ўриндиқлар ўрнатилган. Фойдаланиб бўлингач, уларни бемалол олиб ташлаш мумкин
Aquatics Centre, яъни сув спорти маркази тарҳини ироқлик меъмор Заҳа Ҳадид ишлаган. Доимий сув марказининг икки қаноти эса, вақтинчалик. Олимпиада Ўйинлари ортидан олиб ташланади. Бу ерда сувга сакраш ва сузиш мусобақалари бўлиб ўтади. Сув полоси учун эса, бошқа арена мўлжалланган
Матрас шаклидаги мана бу бино эса, Баскетбол аренасидир. Олимпиада Ўйинлари чоғида ундан вақтинчалик фойдаланиб турилади. Бу ерга 12.000 томошабин кетади. Баскетболдан ташқари, қўл тўпи мусобақалари ҳам ўтказилади
Мана бу велодром Олимпия хиёбонида қуриб битказилган илк бинг бўлади. У 2011 йилнинг феврал ойида тайёр бўлганди. Унинг тарҳини ишлаб чиқишда Олимпия чемпиони сэр Крис Ҳой ҳам ўз маслаҳатини дариғ тутмаган ва битгач, бино ўзига ёққанини айтган
Вақтинчалик Ҳоккей Маркази Олимпия Хиёбонининг шимолий-ғарбий бурчагида жойлашган. Атайдан чуқурроқ қилиб қурилган. Шу сабаб, бутун хиёбондан кўриниб туради. Бу ерда яна ногиронлар Олимпия Ўйинларининг футбол мусобақалари ҳам бўлиб ўтади
Мана бу Қўл тўпи Аренасида кўплаб чироқлар ўрнатилган. Ниҳоятда ёруғ. Бундан ҳам ташқари, айрим ўриндиқлари ўта ёрқин рангларда қилинган. Бу ерда яна бешкураш мусобақалари ҳам бўлиб ўтади
Кўплаб спорт турлари бўйича мусобақалар Олимпия Хиёбони ташқарисида, яъни Лондон бўйлаб ҳам ўтказилади. Дейлик, Лондон марказида жойлашган Hyde Park да триатлон ва сузиш бўйича марафон ҳам бўлиб ўтади
Whitehall марказида жойлашган Отлиқ гвардиячилар паради аренасида эса, волейбол мусобақалари бўлиб ўтади. Ташкилотчилар бутун Лондон бўйлаб вақтинчалик ареналар ташкил этиш билан, Ўйинлар баҳона шаҳарни ҳам одамларга таништиришмоқчи
Lord's Cricket Ground аренасида эса, камондан ўқ отиш мусобақалари бўлиб ўтади
Лондон жануби-шарқидаги Гринвич хиёбонида эса, от пойгаси ва замонавий бешкураш мусобақалари бўлиб ўтади
Лондоннинг Woolwich бандаргоҳи узоқ йиллик ҳарбий тарихга эга. Бу ерда Қироллик Тўпчилари Баракларини қуриш ишлари 1776 йилда бошланган. Бу ерда ҳам камондан ўқ узиш ва турли қуроллардан ўқ отиш бўйича мусобақалар бўлиб ўтади
Шаҳарнинг нариги томонида жойлашган Hampton Courtдаги қирол Ҳенри VIII нинг саройи эса, велосипед пойгачиларига хизмат қилади
Лондон жанубий-ғарбий Уимбльдонидаги дунёга машҳур теннис ва крикет кортларида эса, теннис мусобақалари бўлиб ўтади
Уимблей стадионида футбол, Уимблей аренасида бадминтон ва бадиий гимнастика, Excel аренасида бокс, дзюдо, стол тенниси, штанга кўтариш, кураш,.., Шимолий Гринвич аренасида эса, спорт гимнастикаси, трамполин, баскетбол, Earls Courtда эса, волейбол мусобақалари бўлиб ўтади
Лондон ташқарисидаги спорт иншоотлари ҳам Олимпия Ўйинлари бинолари туркумига киради. Виндзор яқинидаги Dorney кўлида қайиқда эшкак эшиш мусобақалари ўтказилади
Essexнинг Hadleigh Farmида Олимпиада Ўйинларининг сўнгги ҳафтасида жаҳонга таниқли велопойгачилар беллашишади
Hertfordshirдаги Lee Valley Water Centre атайин 2012 йилги Ёзги Олимпиада Ўйинлари учун қурилаётган янги иншоотлар туркумига киради. Бу ерда ҳам каноэда эшкак эшиш мусобақалари бўлиб ўтади
Dorsetнинг шундоқ ҳам Елканли Спорт бўйича миллий академия жойлашган Weymouth ва Portlandида елканли қайиқда сузиш беллашувлари бўлиб ўтади