BBC navigation

حاضرگی کونده زردوزلیک هنری کوپراق رواجلنگن

Сўнгги янгиланиш 10 апрел 2012 - 11:31 GMT

محنتچی عیاللر فعالیتینی افغانستانگه اوخشه گن قشاق اولکه ده کوپراق اوچره تر ایکن، قول صنعتی بیلن مشغول بولیب کیله یاتگن خاتین- قیزلرنینگ ایشلری هم تحسینگه لایق. زردوزلیک هنری اوزاق- اوزاق ییللردن بویان افغانستان نینگ شمالی ولایتلریده گللب یشنب کیله یاتیر. مذکور حدودلرده یشاوچی عیال قتلمی ایسه بیر قنچه قول صنعتلری نینگ خلق آره سیده تیریک یشب، ثمره لی دوام ایتیب کیله یاتگنیگه باعث بولماقده لر.

اندخوی اهالیسیدن بولگن آی خانیم اوزون ییللردن بیری اوزلوکسیز زردوزلیک هنری بیلن شغلله نیب کیله یاتگنینی ایته دی. بو صنعت اوزبیکستان نینگ بخارا دیگن شهریدن افغانستانگه کیریب کیلگن و اوزاق- یقین شمالی ولایتلر، اینیقسه اندخوی اولوسواللیگیده، اوز رواجیگه دوام بیریب، خلق اعتبارینی قازانه یاتگنینی ایته دی او:

"بخارادن کوپ کیلگن ایدی بو تیکیشلر، تیکیلر ایدی اوشه پیتلر، کمپیرلر تیکرایدی، یاشلر تیکر ایدی. کیین بیزلرهم اوشه لردن اورگندیک. اوتتیز ییلدن بیری من تیکه من، شونی تیکرایدیم کوزیم اوتمه یدی ایندی تیکه آلمیمن. ایندی کیلیننی کیلگنیگه هم اون بیش ییل بولگن. اون بیش ییلدن بیری کیلینیم تیکه دی. من تیارگرلیکینی کوره من. و بو لرنینگ هرقیسی سی وختیگه قره یدی. ایش ایتمه ی تیکماقچی بولسک اون بیش- ییگیرمه کونده بیر کویلک تیکیلب بوله دی. اگر اوی- روزغار ایشینی ایتماقچی بولسک؛ بیر آینی هم دربر آله دی. کوپراق کیلینلرنی اوییگه کیره ک بوله دیگن نرسه لرنی بیز تیکه میز. خارجگه کیته دی؛ کانادا، اوزبیکستان، مسکو کیته دی هرجای لرگه شو تیکیش بیزلرنی اوزیمیزدن کوپراق کیته دی. کوپ رواج بولگن، جوده یخشی تیکه میز شو اوچون بوخیل تیکیشلر بیزلرنی اوزیمیزگه کیله دی."

اوشبو عایله کیلینی بولگن بسیمه بیگیم هم زردوزلیک صنعتینی اوزبیک خلقی آره سیده کینگ ترقلگنی- یو، اولکن اهیمتگه ایگه ایکنلیگینی معلوم قیله دی. کوپینچه بو خیل تیکیشدن تورلی خیل توی مراسملریده، کیلین- کیاو و اولرنینگ قرینداش- اوروغلری هم یرقیره ب تورگن زر ایشله تیلگن چیرایلی کییملردن فایده لنیشلرینی ایتماقده. بوندن تشقری، اولرنینگ تیکیشی حتاکی چیت اولکه لرگه هم ییتیب باره یاتگنینی فخر بیلن تیلگه آله دی:

"منی توی بولمه سیمدن بیر نیچه ییل اول منگه بو تیکیشنی اورگتتیلر. بو ییرگه کیلگنیمدن کیین هم زردوزلیک قیلدیم. ایشیمیز کوپ یخشی، کوپ رواجلنگن! زرینی هم بازاردن آله میز. یخشی بولسین دیب همه گلینی هم میین گینه قیرقه میز. بیزلرنی قول ایشیمیز همه جایگه کیته دی. و کوپی نفرلر شوندن فرمایش بیره دیلر. کیلین یا کی کیاونی کییملری ده ی کویلک لرنی فرمایش بیره دیلر. اَوللری شو تیکیشنی تیکه یاتگنیمده کوپ زیریکرایدیم، اما ایندی عادت قیلیبمن."

محنت قیلیش هرچند نهایت زحمت طلب قیله دی، بیراق فرزانه زیریکمه ی اوشبو هنر بیلن مشغول. زردوزلیک هنری اوز عایله سیده برقرار دوام ایتیب کیله یاتگنی- یو، شو صنعت آرقه لی ییترلی مبلغ قولگه کیلتیره یاتگنیدن خورسند.

"زردوزلیکنی اون ییل بوله دی من تیکه من. اویی میزده اولدن هم تیکیلر ایدی. چونکی بوویم لر و آنملردن قالگن کسب بو. من قاغاذلرنی یاپیشقاق ماده آرقه لی بیر- بیریگه جیپسله یمن، بو قاغاذلر آلتی قَوت دن عبارت بوله دی. بولرنی یخشی گینه توزه لیب، محکم بولیشی اوچون قالین یاکی باشقه بیران نرسه نی آستیگه قویه من... منه شونداغ قیلیب تیار بولگن بو قاغاذلرنی آلیب، تیکیشیم اوچون فایده لنه من. کوپ قیین بوله دی، بو قاغاذلرنی قیرقیش وختیده قولگه ضرر بیره دی اما ایش دییه. کم مصرف بوله دی کوپ پول کیله دی."

افغانستان دیب اتلمیش دیارده قنچه لیک اوروش و جنجاللرنینگ ایلدیزی چقور بولمه سین، ینه ده بیر قطارصنعت- هنر خلق بیلن بیرگه اوسیب ثمره لی، حاصل بیره یاتگنی کورینماقده. قول صنعتلری ایسه اوزبیک خلقی آره سیده الّه قچان عنعنه دار بولیب کیتگن، و افغانستان بویلب اوشبو هنر واسطه سی بیلن مینگلب عایله حیات درآمدینی قولگه کیلتیره یاتگنی برچه گه معلوم.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.