خشت تولید قیلوچی کارخانه لرنینگ یریمی دن کوپراق ایشچی سی باله لر

افغانستانده یولگه قوییلگن ینگی بیر حسابات گه کوره، خشت تولید قیلوچی کوره لر ایشلاوچی لری نینگ یریمی دن کوپراقی باله لر دیر.
بوباله لر 14 یاش دن کیچیک بولگن لری معلوم بولگن.
مذکور حسابات خلق ارا ایش تشکیلاتی یا(ILO) و مصلحت بیروچی (Samuel Hall Consulting) همکارلیگی بیلن تیارلنگن.
مذکور گزارش نینگ ینه مهم بیر قسمی بو که بو کارخانه لرایشلاوچی لرگه قرضه بیریب، اولر قرض دن خلاص بولیش لری اوچون ییل لرچه مذکور کارخانه لرگه ایش قیلیشگه مجبور بوله دیلر.
خلق ارا ایش تشکیلاتی کابل و ننگرهار ولایت لریده مذکور حساباتی نی یولگه قویگن. مذکورگزارش نینگ کورسه تیشیچه، باله لرنینگ خشت تولید قیلوچی کار خانه لرده ایشه یش لری گه کم بغل لیک باعث بولگن.
مذکور گزارش نینگ تیارلگن لر گه کوره، خشت کارخانه لریگه ایشله یاتگن باله لرنینگ فقط گینه 15 فایزی مکتب گه کیته دیلر. باشقه لری ایسه ایش فشاری کوپ بولگنی اوچون مکتب اوقی آلمه یدیلر.
خلق ارا ایش تشکیلاتی نینگ افغانستانده گی نماینده سی هروی برجر، بو گزارش قریب ایککی مینگ باله و یاشی کوپ بولگن لر بیلن مصاحبه بولیب تیارلنگن لیگی ایتدی.
"بوگزارش نینگ ترقه تیش دن بیرینچی مقصد، موجود قیین چیلیک نی برملا قیلیش ایدی.
مینگه کوره، ایشلاوچی باله لرنینگ قیینچیلگی نی حل قیلیش اوچون ایجابی ایش بولمه گن.
بو افغانستان اوچون کتته بیر معما. ایکینچی سی ایسه، بیز مذکور قیینچلیک نینگ برطرف قیلیش اوچون یول یوروق لر اختره میز. تا باله لر و عایله لری بیر یاقدن عاید لری قولدن کیتمسه باشقه تماندن آغیر ایش لرنینگ آلدی آلینسه دیب ایتدی او."
مذکور گزارش نینگ معلوم قیلیشیچه، خشت تولید قیلوچی کوره لر، ایشلاوچی لریگه بیرگن قرض لرگه اتکا قیلیب ایشینی دوام بیرماقده. چونکه ایشلاوچی لر و اولر نینگ عایله لری ایریم دلیل لر سببلی اینیقسه، صحی هزینه لری دن توتیب تا طوی قیلیش و فاتحه مراسم لری اوچون کارخانه دن قرض دار بولگن لر.
بو ایشلاوچی لر هفته ده 70 ساعت دن کوپراق ایشله ش گه مجبور لیک لرینی بیان قیلگن لر.
شونده ی بیرحالده اجتماعی ایشلر وزیرلیگی نینگ اورین باسری خیر محمد نیرو گه، مذکور وزیرلیک خلق ارا ایش تشکیلاتی نینگ حساباتی نی نظرگه توتیشی بیلن، مذکور باله لرنینگ آغیر ایش دن نجات بیریش مقصدیده قیسقه و اوزون مدتلی برنامه لر توزه تیشیگه حرکت قیله دی.
مذکور کارخانه لرگه ایشله یاتگن باله لر کونده لیک آلتی دن تا 8 دالر گه چه پول قولگه کیریته دیلر و بونینگ کوپ قسمی آلگن قرض لریگه حسابلنه دی.
بیر قنچه حسابات گه کوره، حاضر افغانستان بویلب، بیر یریم ملیون باله آغیر ایش لر بیلن مشغول بولیب کیلگن.