افغانستان حکومتی و ایرم خلق ارا نا دولت تشکلات لر، خلق ارا همجعیت مملکت لر دن 430 ملیون دالرلیک یاردم طلب قیلگن.
مذکور یاردم لر طبعی آفت لردن ضررکورگن خلق و احتیاجمند کیشی لرنینگ طلب لریگه جواب قیتریش اوچون سوره له یاتگان لیگی ایتیله دی.
افغانستان ده گی خلق ارا نادولت تشکیلات لرتمانیدن آلیب باریلگن تیکشیرو نتیجه لریگه کوره، حاضرمملکتده کمیده سککیزملیون انسان پرورلیک یاردم لریگه احتیاجمندخلق موجود.
افغانستان و بیرلشگن ملت لر تشکیلاتی تمانیدن افغانستان اوچون، 437 ملیون دالر یاردم طلب قیلینیشی، دنیاده گی قشاق اولکه لری اوچون، اجره تیلگن 7 ملیارد دالر یاردم نینگ بیر بولیمی حسابلنه دی.
رسمیلر گه کوره، مذکور یاردم 2012 نچی میلادی ییل نینگ جدی لازم بولگن احتیاج لرنی برطرف قیلیش اوچون اجره تیلگن.
بیرلشگن ملت لر تشکیلاتی نینگ افغانستان اوچون، انسانی یاردم لرنی هماهنگ قیلوچی مایکل کیتینگ گه کوره، افغانستان ده گی موجود قیین چیلیک لرنینگ نظرگه توتیشی بیلن، مذکور مبلغ یاردم بولیشی طلب ایتیلگن.
صدا......
" عموماً بیزنینگ مذکور طلبی میزگه 437 ملیون دالر داخل. بو مبلغ آرقه لی 145 پروژه عملگه آشیریله دی. مذکور پروژه لر بیرلشگن ملت لر تشکیلاتی، دولت و نادولت تشکیلات لر قوشمه ایش لری بیلن انیقلنگن.
مذکور مبلغ انچه قیینچلیک لرنینگ نظرگه توتیش بیلن انچه دقت بیلن معلوم بولگن. مثال شکلده، مذکور ریجه لرده عیال لر و گودک لر احتیاج لری نینگ وقت و زمانیگه برطرف قیلیشی نظرگه توتیلگن."
کیتینگ جنابلری شونگه قوشیمچه قیلیب، مذکور مبلغ، اوریش لر طفیلی ضرر کورگن ملیون لب انسان، همده قورغاقچیلیک شو نینگ دیک قار کوچکی لریده ضررکورگن لرنینگ قیینچلیک لرینی حل قیلیشی توغری سیده هم صرفلنه دی.
رسمیلرنینگ معلوم قیلیشیچه، طلب ایتیلگن مبلغ نینگ 28 فایزی آذوق آوقت ریجه لری نینگ عمل گه آشیریلیشی توغری سیده صرفلنه دی.
افغانستان قشلاق لری نینگ رواجلنتیریش وزیری جهارالله منصوری افغانستان قیینچلیک لری نینگ حل قیلیشی اوچون، طلب بولگن مبلغ نی قبول قیلیش لریگه امید بیلدیردی.
جهان اقتصادی انقراضی نینگ حل بولمه گنیگه قرگنده، افغانستان حکومتی و خلق ارا تشکیلات لرنینگ مذکور طلب لری اوچون مثبت یا ده منفی جواب قیته ریلیشی هم حاضر گه چه بیللی ایمس.
اوتگن ییلی هم افغانستان نینگ جدی احتیاج لری نینگ برطرف قیلیشی اوچون، 500 ملیون دالر یاردم طلب بولگن ایدی. مذکور رقم نینگ 70 فایزی دنیا هم جمعیت مملکت لر تمانیدن بیریلیب، مملکت نینگ ایریم بولیم لریده صرفلنگن ایدی.
~RS~a~RS~uzbek~RS~q~RS~num_headlines=5&genre_name=afghanistan&enable_top_story_image=1&genre_path=afghanistan&genre_title=ینگی لیکلرافغانستان دن~RS~z~RS~40~RS~){kind=small}