Ciamar a tha sibh a’ cruinneachadh fiosrachadh mum dheidhinn?

Air ùrachadh: 12 An t-Ògmhios 2018

Bidh thu fhèin a’ toirt pàirt dhen dàta dhuinn

Mar eisimpleir, nuair a tha thu a’ clàradh airson cunntas BBC:

  • Feumaidh neach sam bith a tha fo aois 13 an latha-breith a thoirt seachad agus ainm-cleachdaidh a thaghadh
  • Feumaidh neach eadar 13 agus 17 an latha-breith a thoirt seachad agus seòladh post-d
  • Feumaidh neach a tha nas sine na 18 seòladh post-d, còd puist agus latha-breith a thoirt seachad
  • Bidh sinn a’ faighneachd do gach neach dè an gnè air a bheil iad airson a bhith air an aithneachadh. Faodar boireann, fireann no gnè sam bith eile a thaghadh. Tha e cuideachd comasach gun taghadh a dhèanamh.

Faigh a-mach carson a dh’fheumas tu fiosrachadh pearsanta a thoirt seachad nuair a chlàras tu

Bidh sinn a’ cruinneachadh cuid dhen dàta co-dhiù

Mar do sheòladh IP, dè am brobhsair agus an t-inneal a tha thu a’ cleachdadh, agus d’ aithnichear sònraichte. Agus aithnichidh sinn dè an duilleag-lìn a stiùir thu chun a’ BhBC le bhith coimhead ri fiosrachadh bho do bhrobhsair.

Ma tha thu air logadh a-steach, bidh fios againn cuideachd ciamar a tha thu a’ cleachdadh am BBC. Tha seo gar cuideachadh gus BBC nas fheàrr is nas pearsaichte a thoirt dhut.

Faodaidh apps BBC sam bith, air d’ fhòn, do thablaid no do thelebhisean, fiosrachadh a stòradh air d’ inneal. Agus faodaidh sinn faighinn chun an fhiosrachaidh sin. Nuair a tha thu ag iarraidh naidheachdan ionadail no aimsir faodaidh tu taghadh am faigh sinn a-mach càite a bheil an t-inneal agad.

Faodaidh sinn am fiosrachadh seo air fad a chleachdadh gus am faic sinn mar a tha thu a’ cleachdadh am BBC air-loidhne.

How_does_the_BBC_collect_data_about_me.png

Bidh sinn cuideachd a’ cruinneachadh dàta mu rudan a tha thu “Cuir ris”

Mar eisimpleir, ma chuireas tu ri luchd-ciùil a tha thu airson a leantainn ann am BBC Music.

Tha an tuilleadh mu Cuir ris an seo.

Ciamar a bhios am BBC a' cleachdadh m’ fhiosrachadh?

Fiosrachadh pearsanta

Cuidichidh fiosrachadh mu d’ aois, do ghnè agus d’ àite sinn ann a bhith a’ tuigsinn mar a tha daoine eadar-dhealaichte a’ cleachdadh a’ BhBC agus gu bheil sinn a’ dèanamh rudeigin dhan a h-uile duine.

Bidh sinn a’ cleachdadh cuid dhen fhiosrachaidh pearsanta agad airson seirbheisean is molaidhean a thoirt thugad mu rudan a chòrdadh riut, agus pearsanachadh a dhèanamh air pàirtean dhen a’ BhBC a chòrdadh riut.

Seòladh IP agus fios mun inneal

‘S dòcha gun tèid do sheòladh IP is fiosrachadh mud inneal a chleachdadh airson d’ àite a dhearbhadh. Tha seo ach an lorg sin thu ma tha thu a’ cleachdadh na seirbheisean bho thaobh a-miugh no taobh a-staigh na RA, agus roghainnean nas freagarraiche mu far a bheil thu a’ fuireach a thoirt thugad.

Nuair a chleachdas tu làrach-lìn a’ BhBC air taobh a-miugh na RA, chì thu bbc.com le sanasachd. ‘S dòcha gum bi cuid dhen t-sanasachd seo air a dhealbh gu sònraichte dhutsa. Chì thu sanasachd no sanasachadh iomchaidh ma tha thu a’ tadhal air bbc.com bho thaobh a-miugh nan RA.

Sanasan air làraich-lìn eile

Stèidhichte air an fhiosrachadh a th’ againn mud dheidhinn, ‘s dòcha gun tèid sanasan mu sheirbheisean is ghoireasan a’ BhBC a thabhann dhut air làraich eile a leithid, Facebook, Google, Instagram, Snapchat agus Twitter. Mar eisimpleir, airson innse dhut mu phrògram ùr a dh’fhaodadh còrdadh riut.

Mur a bheil thu ag iarraidh na sanasan seo fhaicinn, leigidh cuid de làraich leat stad a chur orra. Tha gach làrach eadar-dhealaichte is gheibh thu fios air gach làrach mar a nì thu sin.

Faodar sanasan a’ BhBC a stad le bhith a’ cur pearsanachadh a’ BhBC dheth

Am faic mi eachdraidh a h-uile càil ris na choimhead mi?

Nuair a tha thu air logadh a-steach, tha an earrann Mo Phrògraman san iPlayer a’ sealltainn prògraman sam bith a tha thu air pàirt dhiubh fhaicinn. Le sin, faodaidh tu tòiseachadh far na sguir thu le prògram nach do chrìochnaich thu. No lorg fhaighinn air an ath phrògram ann an sreath a tha thu air a bhith a’ coimhead.

Tagh cànan: EnglishCymraeg