Advertisement
تازہ ترین خبریں
آخری وقت اشاعت: Wednesday, 11 november, 2009, 00:43 GMT 05:43 PST
حزب اللہ اس وقت لبنان میں حکومت سازی میں مصروف ہے
اسرائیل فوج کا کہنا ہے کہ لبنان کی شیعہ مسلح تنظیم حزب اللہ نے اسرائیل کے بڑے شہروں تک مار کرنے والے راکٹ حاصل کر لیے ہیں۔
اسرائیل فوج کے میجر جنرل گبی اشکینازی نے اسرائیل کے ارکان پارلیمنٹ کو بتایا کہ حزب اللہ کے پاس ہزاروں کی تعداد میں ایسے راکٹ موجود ہیں جو کہ تین سو کلو میٹر کے فاصلے تک مار کر سکتے ہیں۔
انہوں نے کہا کہ حزب اللہ کے پاس ان راکٹوں کی موجودگی سے اسرائیل کے دارالحکومت تل ابیب اور یروشلم کو خطرہ ہے۔
گزشتہ ہفتے اسرائیل نے دعوی کیا تھا کہ اس نے ایک بحری جہاز کو قبضے میں لیا ہے جو کہ حزب اللہ کے لیے بہت بڑی مقداد میں اسلحہ اور بارود لے کر جا رہا تھا۔
اسرائیل کے ایک جریدے نے جنرل اشکینازی کے حوالے سے کہا ہے کہ اسرائیل کی شمالی اور جنوبی سرحد پر اس وقت بظاہر امن ہے لیکن یہ امن کسی بڑے خطرے کا پیش خیمہ ہے۔ انہوں نے کہا کہ ان سرحدوں کے پار دہشت گرد گروہ اپنے طاقت کو مجتمع کرنے میں مصروف ہیں۔
لبنان پر اسرائیل فوج کی سن دو ہزار چھ میں فوج کشی کے دوران بارہ سو لبنانی ہلاک ہو گئے تھے جس میں بڑی تعداد میں شہری بھی شامل تھے۔ چونتیس دن تک جاری رہنے والے اس حملے میں اسرائیل کے ایک سو ساٹھ فوجی ہلاک ہوئے تھے۔
سن دو ہزار چھ میں حزب اللہ کی طرف سے دو اسرائیلی فوجیوں کو اغواء کرنے کے بعد اسرائیل فوج نے لبنان پر فضائی اور زمینی حملے شروع کر دیئے تھے۔
اسرائیل فوج کی طرف سے حزب اللہ کے خلاف یہ بیان ایک ایسے وقت سامنے آیا ہے جب لبنان میں سیاسی جماعتوں کے درمیان قومی حکومت بنانے پر اتفاق رائے ہو گیا ہے۔
فیچر اور تجزیے
~RS~a~RS~urdu~RS~q~RS~~RS~z~RS~39~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔