Advertisement
تازہ ترین خبریں
آخری وقت اشاعت: Thursday, 5 november, 2009, 15:28 GMT 20:28 PST
عباس یاسر عرفات کے انتقال کے بعد فلسطینی انتظامیہ کے صدر بنے تھے
اطلاعات کے مطابق اس بات کا امکان ہے کہ فلسطینی انتظامیہ کے صدر محمود عباس آئندہ انتخاب میں حصہ نہیں لیں گے۔
پی ایل او کے حکام نے غرب اردن میں صحافیوں کو بتایا کہ صدر محمود عباس اصرار کر رہے ہیں کہ وہ چوبیس جنوری کو ہونے والے انتخابات میں حصہ نہیں لیں گے۔
اس سے قبل صدر عباس کے ایک ساتھی نے کہا تھا کہ اسرائیل کے ساتھ مذاکرات میں پیشرفت میں ناکامی اور حماس کے ساتھ صلح نہ ہونے سے صدر عباس کے انتخابات میں حصہ نہ لینے کے امکانات بڑھ جائیں گے۔
تاہم صدر عباس کے ایک اور ساتھی نے کہا کہ ان کو انتخاب میں حصہ لینے پر راضی کرنے کی کوشش کی جا رہی ہے۔ محمود عباس سن دو ہزار چار میں یاسر عرفات کے انتقال کے ایک سال کے بعد فلسطینی انتظامیہ کے صدر بنے تھے۔
صدر عباس کو حماس کی مخالفت کا سامنا رہا ہے جو جنوری دو ہزار چھ میں بدلیاتی انتخاب میں کامیاب ہو گئی تھی اور جس کا غزہ پر کنٹرول ہے۔ حکام کا خیال ہے صدر عباس انتخاب میں حصہ لینے کے بارے میں اپنے فیصلے کا اعلان جلد کر دیں گے۔
فیچر اور تجزیے
~RS~a~RS~urdu~RS~q~RS~~RS~z~RS~07~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔