Advertisement
تازہ ترین خبریں
آخری وقت اشاعت: Saturday, 4 july, 2009, 08:02 GMT 13:02 PST
شمالی کوریا میں اس سے قبل ان مقامات سے میزائل تجرباتی طور پر داغے گئے
جنوبی کوریا کے ذرائع ابلاغ کے مطابق شمالی کوریا نے کم فاصلے تک مار کرنے والے والے چھ میزائلوں کا تجربہ کیا ہے جبکہ قیاس تھا کہ وہ لانگ رینج میزائل کا تجربہ کرے گا۔
اس ہفتے کے ابتدا میں شمالی کوریا نے چند میزائلوں کا تجربہ کیا تھا جبکہ مئی میں زیر زمین جوہری تجربہ کرنے کے بعد اقوام متحدہ نے اس پر پابندیاں بھی عائد کردی ہیں۔
جنوبی کوریا کی وزارت دفاع کے مطابق میزائلوں کا حالیہ تجربہ جاپان کے سمندر میں کیا گیا ہے۔ کہا جارہا ہے کہ یہ سکڈ میزائل ہیں جن کی رینج 500 کلومیٹر تک ہے۔
جنوبی کوریا کے جوائنٹ چیف آف سٹاف کے مطابق دو تجربات صبح آٹھ اور ساڑھے آٹھ بجے کے درمیان کیے گئے جبکہ تیسرا تجربہ پونے گیارہ بجے اور چوتھا اس کے چند گھنٹوں کے بعد کیا گیا۔
جنوبی کوریا کا کہنا ہے کہ وہ شمالی کوریا کی جانب سے لاحق خطرات سے نمٹنے کے لیے پوری طرح سے تیار ہیں۔ جنوبی کوریا کی وزارت دفاع کو امریکی مدد بھی حاصل ہے۔
وزارت کے ایک ترجمان نے کہا ہے کہ سنیچر کے تجربات جمعرات کو کیے گئے تجربات سے زیادہ تشویش کا باعث ہیں کیونکہ یہ کم فاصلے تک مار کرنے کی صلاحیت رکھتے ہیں۔
سیول میں بی بی سی کے نامہ نگار جان سڈورتھ کا کہنا ہے کہ یہ تجربات علاقے میں کشیدگی بڑھانے کے جواز کے طور پر دیکھے جارہے ہیں۔
جاپان اور جنوبی کوریا کے ذرائع ابلاغ کا کہنا ہے کہ شمالی کوریا انٹر کانٹی نینٹل یا بین البراعظم مار کرنے والے بیلسٹک میزائل کا تجربہ کرنے کا ارادہ رکھتا ہے۔
فیچر اور تجزیے
~RS~a~RS~urdu~RS~q~RS~~RS~z~RS~18~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔