Advertisement
تازہ ترین خبریں
آخری وقت اشاعت: Wednesday, 24 june, 2009, 12:21 GMT 17:21 PST
آیت اللہ خامنئی نے مظاہرین کو ریلیاں بند کرنے کا حکم دیا ہے
ایران کے سپریم لیڈر آیت اللہ علی خامنہ ای نے کہا ہے کہ متنازع صدارتی انتخابات کے سلسلے میں قوم ’دباؤ کے سامنے گھٹنے نہیں ٹیکے گی‘۔
بارہ جون کے انتخابات کے بعد جن میں صدر احمدی نژاد دوسری مدت کے لیے عہدۂ صدارت کے لیے کامیاب قرار دیے گئے ہیں، دارالحکومت تہران میں مسلسل کئی روز تک ہونے والے مظاہروں میں کئی افراد ہلاک ہوئے۔
مظاہرین کا دعوٰی ہے کہ انتخابات میں دھاندلی کی گئی ہے۔
تاہم اب ایسا لگتا ہے کہ پولیس اور ملیشیا دارالحکومت تہران میں مظاہرے روکنے میں کامیاب ہوگئی ہے۔
تہران میں شہریوں کا کہنا ہے کہ اب شہر میں خاموشی ہے تاہم حزب اختلاف کے حامیوں نے مظاہروں میں ہلاک ہونے والوں کے لیے یوم سوگ منانے کا اعلان کیا ہے۔ سرکاری دعوؤں کے مطابق ان مظاہروں میں سترہ افراد ہلاک ہوئے۔
شکست کھانے والے ایک صدارتی امیدوار محسن رضائی نے انتخابات کے بارے میں اپنی شکایت واپس لے لی ہے۔
آیت اللہ خامنہ ای نے مظاہرین کو احتجاج ختم کرنے کا حکم دیا ہے۔ ان کا کہنا ہے کہ انتخابات کے معاملے پر قانون پر عمل درآمد کیا جائے گا۔
انہوں نے کہا کہ نہ ہی انتظامیہ اور نہ قوم کسی بھی قیمت پر کسی دباؤ میں آئی گی۔
فیچر اور تجزیے
~RS~a~RS~urdu~RS~q~RS~~RS~z~RS~00~RS~){kind=small}
سائٹ لنک
بی بی سی کی لنکس
© MMX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔