Advertisement
تازہ ترین خبریں
آخری وقت اشاعت: Sunday, 26 april, 2009, 03:44 GMT 08:44 PST
عالمی ادارہ صحت کے سربراہ نے کہا ہے کہ ایک نئے فلو وائرس جس کی وجہ سے خیال کیا جا رہے ہے کہ میکسیکو میں ساٹھ افراد ہلاک ہو گئے ہیں بین الاقوامی وباء کی صورت اختیار کر سکتا ہے۔
عالمی ادارہ صحت کے چیف مارگیٹ چان کا کہنا ہے کہ یہ بیماری ’ہیلتھ ایمرجنسی‘ بین الاقوامی سطح کی ہے اور اس پر کڑی نظر رکھنی چاہیے۔
ماہرین صحت کا کہناہے کہ اب تک کے تجزیوں سے ظاہر ہوتا ہے کہ اس بیماری کا تعلق میکسیکو میں سؤروں کے فلو وائرس سے جو جنوبی امریکہ سے پھیلا ہی۔
امریکہ میں بہت سے لوگ اس بیماری میں مبتلا ہیں اور حکام صورت حال پر کڑی نظر رکھے ہوئے ہیں۔
مارگیٹ چان امریکہ کا دورہ مختصر کرکے جنیوا واپس پہنچ گئے ہیں جہاں عالمی ادارہ صحت کی ہنگامی کمیٹی کا اجلاس ہو رہا ہے۔
یہ کمیٹی بین الاقوامی ہیلتھ ایمرجنسی کا اعلان کر سکتی ہے اور عالمی وبائی چوکسی کی سطح کو بلند کر سکتی ہے۔ بین الاقوامی ہیلتھ ایمرجنسی کا یہ اقدام تجارتی پابندیوں، سرحدیں بند کرنے اور سفری ہدایات جاری کرنے کا سبب بن سکتے ہیں۔
عالمی ادارہ صحت اپنے تمام ممبر ملکوں کو چوکس رہنے کی ہدایت کر رہا ہے۔
حکام کا کہنا ہے کہ میکسیکو میں زیادہ تر مرنے والوں میں بچوں اور بوڑھوں کے برعکس جوان زیادہ شامل ہیں۔
میکسیکو میں سکول، عجائب گھر، لائبریریاں، بند کر دیا گیا ہے اور لوگوں کو ہاتھ ملانے اور ایک دوسرے کے برتن استعمال کرنے سے منع کیا ہے۔
ایک سرکاری اہلکار نے کہا ہے کہ تمام پبلک تقریبات کو منسوخ کر دیا گیا ہے۔ دو فٹ بال میچ جن کے سارے ٹکٹ پہلے سے فروخت ہو چکے تھے تقریباً خالی اسٹیڈیم میں کھیلے گئے۔
میکسیکو کے رومن کیتھولک چرچ نے اتوار کے اجتماعات کے لیے مختلف اقدامات تجویز کیئے ہیں تاکہ اس متعدی بیماری کے مزید پھلاؤ سے بچا جا سکے۔
فیچر اور تجزیے
اس وقت کی مقبول ترین خبریں
~RS~a~RS~urdu~RS~q~RS~~RS~z~RS~35~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔