متحدہ عرب امارات میں انگلینڈ کے خلاف جاری سیریز کے لیے پاکستان کی ون ڈے اور ٹی ٹوئنٹی ٹیموں کا اعلان کر دیا گیا ہے۔
پاکستانی ٹیم میں شاہد آفریدی کی واپسی ہوئی ہے جبکہ یونس خان اور اظہر علی کو صرف ایک روزہ ٹیم میں جگہ ملی ہے۔
انگلینڈ کے خلاف ٹیسٹ سیریز جیتنے والی پاکستانی ٹیم میں سے توفیق عمر اور محمد طلحہ وطن واپس آئیں گے۔
ٹی ٹوئنٹی اور ون ڈے مقابلوں کے لیے ٹیم میں نوجوان آل راؤنڈر حماد اعظم کو بھی شامل کیا گیا ہے۔
ایک اور نوجوان کھلاڑی اویس ضیاء بھی پہلی بار پاکستانی دستے کا حصہ بنے ہیں اور وہ ٹی ٹوئنٹی مقابلوں کے لیے پاکستانی ٹیم کا رکن ہوں گے۔
پاکستان کی ون ڈے ٹیم مصباح الحق (کپتان)، یونس خان، شاہد آفریدی، محمد حفیظ، عمران فرحت، عمر اکمل، اسد شفیق، عدنان اکمل، جنید خان، عمر گل، اعزاز چیمہ، سعید اجمل، عبدالرحمان، وہاب ریاض، حماد اعظم اور اظہر علی پر مشتمل ہے۔
پاکستان اور انگلینڈ کے مابین چار ایک روزہ میچ تیرہ سے اکیس فروری تک کھیلے جائیں گے جس کے بعد تیئیس فروری سے ستائیس فروری تک تین ٹی ٹوئنٹی میچ ہوں گے۔
~RS~a~RS~urdu~RS~q~RS~num_headlines=4&genre_name=homepage&enable_top_story_image=1&genre_path=/&genre_link=0&genre_title=اہم خبریں~RS~z~RS~15~RS~){kind=small}
