Advertisement
تازہ ترین خبریں
آخری وقت اشاعت: Sunday, 18 october, 2009, 17:57 GMT 22:57 PST
جیسیکا کو سفر میں آٹھ ماہ لگیں گے
ایک سولہ سالہ آسٹریلوی لڑکی نے کشتی پر اکیلے دنیا کے گرد چکر لگانے کے لیے سفر کا آغاز کر دیا ہے۔
جیسیکا واٹسن نامی یہ نو عمر لڑکی دنیا کے گرد اکیلے اور بغیر کسی کی مدد کے سفر کرنے والے سب سے کم عمر انسان کا ریکارڈ قائم کرنا چاہتی ہے۔
واٹسن اتوار کو سڈنی سے اپنی گلابی رنگ کی کشتی پر تئیس ہزار میل کے سفر پر روانہ ہوئیں۔ انہیں یہ فاصلہ طے کرنے میں آٹھ ماہ لگیں گے۔
جیسیکا نے اس سے پہلے ستمبر میں تربیت کے دوران اپنی کشتی ایک مال بردار بحری جہاز سے ٹکرا دی تھی جس کے آسٹریلوی حکام نے انہیں اپنا ارادہ ترک کرنے کے لیے کہا تھا۔
حکام کا خیال تھا کہ جیسیکا کو کشتی چلاتے ہوئے اونگھ آ گئی تھی۔ البتہ جیسیکا کا اور ان کے خاندان کا کہنا ہے انہیں کشتی رانی کا تجربہ ہے اور وہ یہ ریکارڈ قائم کرنے کی اہلیت رکھتی ہیں۔
اسی نوعیت کے ایک اور تنازعہ میں ہالینڈ کی تیرہ سالہ لارا ڈیکر کو وہاں کے حکام نے یہی ریکارڈ قائم کرنے کی کوشش سے روک دیا تھا۔ لارا کو حکام نے ریاست کی تحویل میں دے دیا ہے۔
اس سے پہلے آسٹریلوی نوجوان جیس مارٹن نے انیس سو ننانوے میں اٹھارہ سال کی عمر میں بغیر کسی امداد کے دنیا کے گرد اکیلے چکر لگانے کا قائم کیا تھا۔
فیچر اور تجزیے
اس وقت کی مقبول ترین خبریں
~RS~a~RS~urdu~RS~q~RS~~RS~z~RS~29~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔