Advertisement
تازہ ترین خبریں
آخری وقت اشاعت: Wednesday, 14 october, 2009, 06:09 GMT 11:09 PST
اینڈی روڈک ٹینس سیزن کی طوالت سے پریشان ہیں
امریکی ٹینس کھلاڑی اینڈی راڈک گھٹنے کی چوٹ کی وجہ سے چین میں جاری شنگھائی ماسٹرز ٹینس ٹورنامنٹ سے باہر ہو گئے ہیں۔
روڈک جو اس ٹورنامنٹ میں فورتھ سیڈ تھے، دوسرے راؤنڈ کے میچ میں چوٹ کا شکار ہوئے۔
جب راڈک کو چوٹ لگی تو انہیں سٹینسلاس ویورنکا کے خلاف پہلے سیٹ میں چار تین کی برتری حاصل تھی۔
میچ سے دستبردار ہونے کے بعد راڈک نے کہا کہ ’چوٹ اتنی شدید تھی کہ مجھے میچ روکنا پڑا۔ اس سے آگے میں کچھ نہیں جانتا کیونکہ یہ میرا شعبہ نہیں ہے‘۔
ستائیس سالہ امریکی ٹینس کھلاڑی نے حال ہی میں ٹینس کے عالمی سیزن کی طوالت پر سوال اٹھاتے ہوئے کہا تھا کہ ٹینس کھلاڑیوں کو وقفے کی ضرورت ہے اور اگر ایسا نہ کیا گیا تو کھلاڑی زخمی ہو سکتے ہیں یا پھر تھکن کا شکار کو سکتے ہیں۔
انہوں نے اس سلسلے میں عالمی نمبر ایک راجر فیڈرر اور برطانوی ٹینس کھلاڑی اینڈی مرے کی مثال بھی دی تھی جو بالترتیب تھکاوٹ اور کلائی میں چوٹ کی وجہ سے ایشیائی ٹینس مقابلوں میں حصہ نہیں لے رہے۔
فیچر اور تجزیے
~RS~a~RS~urdu~RS~q~RS~~RS~z~RS~25~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔