راڈک اور فیڈرر ویمبلڈن کے فائنل میں

راڈک نے مرے کے کھیل کی بہت تعریف کی

لندن میں ہونے والے ٹینس کے عالمی مقابلوں ویمبلڈن میں سوئس کھلاڑی راجر فیڈرر اور امریکی کھلاڑی اینڈی راڈک سیمی فائنل میچوں میں اپنے اپنےمدمقابل کھلاڑیوں کو ہرا کر فائنل میں پہنچ گئے ہیں۔

امریکی کھلاڑی اینڈی راڈک برطانوی کھلاڑی اینڈی مرے کو ایک زبردست مقابلے میں ہرا کر فائنل میں پہنچے ہیں۔ اس میچ میں برطانیہ کےانیسں سالہ کھلاڑی کے سیمی فائنل کھیلنے کی وجہ سے بہت دلچسپی پائی جاتی تھی۔

اینڈی مرے نے بہت اچھے کھیل کا مظاہرہ کیا لیکن وہ اپنے مدمقابل پر سبقت حاصل نہیں کر سکے۔ اس میچ میں چار سیٹس کھیلے گئے اور ان میں تین وہ ہار گئے۔ یہ میچ تین گھنٹے اور سات منٹ جاری رہا۔

میچ کے بعد بی بی سی بات کرتے ہوئے اینڈ راڈک نے کہا کہ انہیں یہ میچ جیتنے کے لیے اپنا بہترین کھیل پیش کرنا پڑا۔

انہوں نے کہا کہ وہ اینڈی مرے کے کھیل کی جتنی بھی تعریف کریں کم ہے۔ انہوں نے مزید کہا کہ گزشتہ ایک سال کے دوران مرے نے ان سے کہیں زیادہ اچھا کھیل پیش کیا ہے لیکن آج کے میچ میں وہ ذرا بہتر کھیلے۔

مرے اس میچ سے قبل راڈک کے خلاف آٹھ میچوں میں سے چھ میں کامیابی حاصل کر چکے تھے۔تین سال قبل ویمبلڈن کے تیسرے راونڈ میں مرے نے راڈک کو ہرا دیا تھا۔

ویمبلڈن کے دوسرے مقابلے میں راجر فریڈرر نے جرمنی کے ٹومی ہائس کو شکست دی۔ انہوں نے اپنے مدمقابل کو اسٹیٹ سیٹ میں ہرایا۔ فیڈرر اس سے قبل پانچ مرتبہ ویمبلڈن کے مقابلے جیت چکے ہیں۔