Advertisement
تازہ ترین خبریں
آخری وقت اشاعت: Thursday, 2 April, 2009, 05:43 GMT 10:43 PST
اگر ایسی شکست خواب میں آئی ہوتی تو ہم اس پر یقین نہ کرتے: میراڈونا
مشہور فٹبالر میراڈونا کی ارجنٹائن ٹیم کو بولیویا نے چھ ایک سے شکست دے دی ہے جو ارجنٹائن کی ساٹھ سالوں میں بدترین شکست ہے۔
ڈیاگو میراڈونا کو چند ماہ پہلے ہی قومی ٹیم کا کوچ مقرر کیا گیا ہے۔ ڈیاگو میراڈونا کے قومی ٹیم کے کوچ بننے کے بعد ارجنٹائن نے اپنے پہلے تینوں میچ باآسانی جیت لیے تھے۔ بولیویا سے چھ کے مقابلے میں ایک گول سے ہار ارجنٹائن کی پچھلے ساٹھ سالوں میں بدترین شکست ہے۔
یہ میچ دنیا کے سب بلند ترین میدان میں کھیلا گیا۔ فٹ بال کی عالمی ایسوسی ایشن نے بولیویا کے بلند ترین فٹ بال بلندی پر ہونے والے میچوں پر اعتراض کیا تھا لیکن ڈیاگو میراڈونا نے اس معاملے پر بولیویا کی حمایت کی تھی۔ لاز پاز کا یہ فٹبال میدان سطح سمندر سے تین ہزار چھ سو میٹر کی بلندی پر واقع ہے۔
ارجنٹائن کے کھلاڑی اس بلند ترین میدان میں ہمیشہ مشکل میں نظر آئے اور ان کی سانس پھولی ہوئی تھی۔
بولیویا کے سٹرائیکر جوقوین بوتیرو نے ہیٹ ٹرک کی جبکہ باقی تین گول مارسیلو مارٹنز، ڈی ڈی ٹوریکو اور ایلکس ڈا روسا نے کیے۔
میراڈونا نےمیچ کے بعد کہا کہ بولیویا کا ہر گول ان کے دل میں تیر کی طرح چھبتا تھا۔ انہوں نے کہا ’اگر ہم نے خواب میں ایسی شکست دیکھی ہوتی تو تب بھی اس پر یقین نہ کرتے۔‘
میراڈونا نے کہا کہ بولیویا کی ٹیم نےعمدہ کارکردگی کا مظاہرہ کیا اور ان کی ٹیم ہر لحاظ سے ان سے بہتر تھی۔
فیچر اور تجزیے
~RS~a~RS~urdu~RS~q~RS~~RS~z~RS~37~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔