Advertisement
تازہ ترین خبریں
آخری وقت اشاعت: Thursday, 29 october, 2009, 12:14 GMT 17:14 PST
’گوگل استعمال کرنے والے لوگوں کے لیے موسیقی بہت اہم ہے‘
گوگل نے انٹرنیٹ پر موسیقی فروخت اور تلاش کرنے کے لیے ’ون باکس‘ کے نام سے سروس شروع کر دی ہے۔ گوگل کی یہ سروس صرف امریکہ میں میسر ہے۔
’ون باکس‘ موسیقی کی ویب سائٹوں ’لالا‘ اور مائی سپیس کی ویب سائٹ ’آئی لائیک‘ کے اشتراک سے شروع کیا گیا ہے۔
تحقیق کا کام کرنے والی فرم ’فاریسٹر‘ کے تجزیہ کار مارک ملیگان نے کہا کہ ’ون باکس‘ انٹرنیٹ پر موسیقی کے غیر قانونی تبادلوں کا مؤثر متبادل ثابت ہو سکتی ہے۔
گوگل کے ’ون باکس‘ پر موسیقی تلاش کرنے پر ’لالا‘ اور ’آئی لائیک‘ کے وِجٹ کی مدد سے پورا گانا بھی سنا جا سکے گا۔
گوگل کا کہنا ہے کہ ان کے سر چ انجن پر ہر روز لاکھوں لوگ موسیقی یا اس کے بارے میں معلومات حاصل کرتے ہیں۔ کمپنی کے مطابق ’میوزک‘ اور ’لِرکس‘ کا شمار تلاش کے خانے میں داخل کی جانے والی معروف ترین دس اصطلاحوں میں ہوتا ہے۔
اس وقت انٹرنیٹ پر موسیقی کے کاروبار میں ایپل کمپنی چھائی ہوئی ہے اور عالمی سطح پر موسیقی کے کاروبار کا ستر فیصد حصہ اس کے پاس ہے۔
یورپ میں ’سپوٹی فائی‘(Spotify) جیسی کمپنیاں مقبول ہو رہی ہیں۔ سن دو ہزار آٹھ میں مفت موسیقی کی فراہمی کے لیے شروع کی جانے والی اس کمپنی کو اس وقت برطانیہ میں بیس لاکھ لوگ استعمال کرتے ہیں جبکہ یورپ بھر میں ساٹھ لاکھ سے زیادہ لوگ اسے استعمال کرتے ہیں۔
فیچر اور تجزیے
~RS~a~RS~urdu~RS~q~RS~~RS~z~RS~50~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔