Advertisement
تازہ ترین خبریں
آخری وقت اشاعت: Thursday, 29 october, 2009, 03:36 GMT 08:36 PST
آزمائشی پرواز خراب موسم کی وجہ سے کئی مرتبہ ملتوی کی گئی
خلائی تحقیق کے امریکی ادارے ناسا نے اپنے نئے ایریز ون ایکس راکٹ کی کامیاب آزمائشی پرواز کی ہے۔
آزمائشی پرواز خراب موسم کی وجہ سے کئی مرتبہ ملتوی کی گئی تھی۔
یہ اب تک بنایا جانے والا سب سے بڑا راکٹ ہے جس کی لمبائی سو میٹر ہے۔ یہ سپیس شٹل کے متبادل کے طور پر تیار کیا گیا ہے اور ناسا کو امید ہے کہ اس میں سوار ہوکر خلاباز چاند پر جا سکیں گے۔
یریز ون ایکس راکٹ کو فلوریڈا سے فضا میں چھوڑا گیا۔ سرنج کی شکل کا سو میٹر لمبا یہ راکٹ گرینیج کے معیاری وقت کے مطابق دن ساڑھے تین بجے ناسا کے کینیڈی خلائی مرکز سے فضا میں چھوڑا گیا۔
اس کا چٌھڑی کی طرح باریک لانچر گزشتہ تین دہائیوں سے زیادہ عرصے میں ناسا کی طرف سے بنایا جانے والے واحد لانچر ہے۔ تاہم اس کے مستقبل کے بارے میں ابھی تک غیریقینی صورتِ حال پائی جاتی ہے۔
ساڑھے چار سو ملین ڈالر کی لاگت سے تیار ہونے والے اس راکٹ کو ناسا کے ذمہ داران پاتھ فائنڈر وہیکل یا پیش رو خلائی گاڑی قرار دے رہے ہیں۔
آئی ایکس میں سات سو سے زائد سینسر لگائے گئے ہیں جو پہلے مرحلے میں خلائی گاڑی کے ایرو ڈائیانیمکس، کنٹرول اور کارکردگی کی پیمائش کریں گے۔
واشنگٹن ڈی سی میں ناسا کے ہیڈکوارٹرز میں ایجنسی کے ایک ایسوسی ایٹ ایڈمنسٹریٹر ڈگ کُک کا کہنا ہے کہ یہ ناسا کے تجرباتی اہداف کے حصول کی جانب ایک بڑی پیش رفت ہے۔
فیچر اور تجزیے
~RS~a~RS~urdu~RS~q~RS~~RS~z~RS~57~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔