Advertisement
تازہ ترین خبریں
آخری وقت اشاعت: Thursday, 15 october, 2009, 12:01 GMT 17:01 PST
ہندوستان کی حکومت کی ایک کمیٹی نے بی ٹی بینگن کے جینیاتی طور پر بہتر بنانے والے طریقے کو منظوری دے دی ہے۔ اس طریقہ سے پہلی بار کسی کھانے پینے کی اشیا کو جینیاتی طور پر بہتر کر کے پیدا کیا جائے گا۔
بی ٹی بینگن کی اس قسم کو ہندوستان میں بیجوں کی سب سے بڑی کمپنی ماہیکو نے تیار کیا ہے۔ یہ کمپنی تقریباً گیارہ مختلف مقامات پر تجربے کر رہی تھی۔
بی ٹی بینگن کے بارے میں آخری فیصلہ کرنے کے لیے اب اسے مرکزي کابینہ کے سامنے پیش کیا جائے گا۔ عام زبان میں اس قسم سے تیار کی جانے والی مصنوعات کو جی ایم یعنی جنیٹیکلی موڈئیفائڈ فوڈ کہا جاتا ہے۔
دوسری طرف جینیاتی طور پر متغیر خوردنی اشیا کی مخالفت کرنے والے گروپس کے مطابق اس قسم کے مصنوعات صحت اور سلامتی کے لیے خطرناک ثابت ہو سکتی ہیں۔
بی ٹی بینگن پیدا کرنا صحیح ہے یا نہيں اس سلسلے ميں سرکار نے ایک کمیٹی تشکیل دی تھی۔ اس کمیٹی نے بدھ کو دارالحکومت دلی میں ایک میٹنگ کی جس کے بعد ہی ایسے بینگن پیدا کرنے پر رضامندی ظاہر کی گئی ہے۔
انڈین کونسل آف ایگریکلچر ریسرچ کے ڈپٹی ڈائریکٹر ڈاکٹر سوپن کمار دتا نے بتایا ہے کہ ’میٹنگ میں اس بات پر تفصیل سے بات چیت کی گئی کہ یہ طریقہ صحت اور ماحولیات کے لیے کس حد تک محفوظ ہے، جینتیاتی طور پر بہتر بنائی گئی بینگن کی فصلوں سے متعلق جو بھی جائزے کیے گئے ہیں اور ان سے جو اعداد و شمار ملے ہیں ان سے یہی پتا چلا ہے کہ ان سے صحت یا ماحولیات پر کوئی برا اثر نہيں پڑتا ہے‘۔
جب کہ اس کی مخالفت کرنے والوں ميں سے ایک تنبظیم گرین پیس کے راجیش کرشنا کا کہنا ہےکہ ماحولیات کے اصولوں کے مطابق یہ ثابت ہو چکا ہے یہ فصلیں ’بائیو ڈائیورسٹی‘ کے لیے بھی اچھی نہيں ہیں ۔ انہوں نے یہ بھی کہا کہ اس قسم کی فصلیں کئی کیڑوں کو بھی مار دیتی ہیں، مثلا امریکہ کے ان علاقوں میں جہاں اس طرح کی فصلیں پیدا کی جاتی ہیں وہاں تتلیوں کی تعداد میں زبردست کمی آئی ہے۔
کرشنا کا یہ بھی کہنا تھا کہ جی ایم فوڈ کے بیجوں پر ملٹی نیشنل کمپنیوں کا بول بالا ہے جس کے سبب کسان ان سے اونچی قیمتوں پر بیج خریدنے کے لیے مجبور ہوں گے۔
فیچر اور تجزیے
~RS~a~RS~urdu~RS~q~RS~~RS~z~RS~20~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔