Advertisement
تازہ ترین خبریں
آخری وقت اشاعت: Sunday, 4 october, 2009, 13:20 GMT 18:20 PST
تھری ڈامنشنل تصویر دیکھنے کے لیے خصوصی پولارائزڈ عینک پہننے کی ضرورت ہوگی
سونی نے اپنے نئے کیمرے کی نمائش کی ہے جوکہ صرف ایک لینز کے ذریعے تھری ڈائمنشنل تصاویر لینے کی صلاحیت رکھتا ہے۔
فی الوقت تھری ڈائمنشنل تصاویر لینے والے کیمرے ایک سے زائد لینزوں کے ذریعے ایسی تصاویر لے سکتے ہیں جبکہ نئی ٹیکنالوجی نے سنگل لینز کیمرے کے ذریعے ہی اسے ممکن بنا دیا ہے۔
سونی کے مطابق نئے کیمرے میں یہ صلاحیت ہے کہ وہ ایک سنگل امیج کو کئی شیشوں کے ذریعے تقسیم کردیتا ہے جس سے تھری ڈائمنشل تصویر کا خاکہ بن جاتا ہے۔
یہ نیا کیمرہ اگلے ہفتے ٹوکیو میں ایک الیکٹرونکس شو میں نمائش کے لیے پیش کیا جائے گا۔
سونی کے مطابق تھری ڈائمنشنل تصویر دیکھنے کے لیے خصوصی پولارائزڈ عینک پہننے کی ضرورت ہوگی تاہم عینک کے بغیر ایک عام ٹو ڈائمنشنل تصویر دکھائی دے گی۔
فی الوقت جو ٹیکنالوجی استعمال ہوتی ہے اس میں خصوصی عینک سے تو تھری ڈائمنشنل تصویر دکھائی دیتی ہے البتہ بغیر عینک کے ایک دھندلی اور غیر واضح تصویر نظر آتی ہے۔
سونی کمپنی کا کہنا ہے کہ یہ نئی ٹیکنالوجی کھیل کے ایونٹس کے لیے خاص طور پر بہت کارآمد رہے گی۔ سونی کا کہنا ہے کہ تھری ڈائمنشنل ٹی وی پر کام ہورہا ہے تاہم اس میں ابھی کچھ وقت لگے گا۔
ادارے کے ماہرین ایسی اور بھی بہت سی نئی ٹیکنالوجی والی مصنوعات پر کام کررہے ہیں۔
فیچر اور تجزیے
~RS~a~RS~urdu~RS~q~RS~~RS~z~RS~34~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔