شام سے متعلق قرارداد پر ووٹنگ متوقع

امریکی شہر نیویاک میں موجود اقوامِ متحدہ کے سفارتکاروں کا کہنا ہے کہ سلامتی کونسل میں سنیچر کے روز ایک قرار داد پر ووٹنگ متوقع ہے جس کا مقصد شام میں جاری بحران کو حل کرنے میں مدد کرنا ہے جبکہ انسانی حقوق کے کارکنوں کا کہنا ہے کہ حمص شہر میں تشدد کے تازہ واقعات میں سو سے زائد افراد ہلاک ہوگئے ہیں۔

اطلاعات ہیں کہ اس مجوزہ قرار داد میں عرب لیگ کے اُس مطالبے سے متعلق کوئی واضح اشارہ موجود نہیں ہے کہ شام کے صدر بشارالاسد اقتدار کی منتقلی کے عمل میں اپنے نائب کے حق میں دستبردار ہو جائیں۔ اس سے پہلے لائی گئی قرارداد کے مسودے میں یہ مطالبہ موجود تھا۔