صدر عمرو یرادوا نے حال ہی میں ترقیاتی ایجنسی کے سربراہ کو بھی معطل کیا تھا

ان فیصلوں کے بعد نائجیریا کے صدر عمرو یرادوا عمرہ ادا کرنے کے لیے عسودی عرب روانہ ہوگئے۔

فوجی قیادت میں تبدیلی کے فیصلوں کا اعلان دارالحکومت ابوجا میں صدارتی رہائش گاہ پر ایک پریس کانفرنس میں کیا گیا۔ ابوجا میں بی بی سی کے نمائندے کا کہنا ہے کہ ان حیران کن تبدیلیوں کی کوئی وجہ بیان نہیں کی گئی ہے اور صدارتی ترجمان نے کہا ہے کہ ان افسران کو ریٹائر کر دیا گیا ہے اور یہ افراد لازمی ریٹائرمنٹ لے رہے ہیں۔

نائجیریا میں بی بی سی کے نامہ نگار کے مطابق اس قسم کی برطرفیاں ایسے ملک میں ایک بڑا قدم ہے جہاں آزادی کے پچاس برس کے عرصے میں زیادہ تر فوج ہی حکمران رہی ہے۔ ابوجا میں بی بی سی کے نمائندے کرس اواکر کا کہنا ہے کہ اس قسم کی برطرفیاں صرف اسی صورت میں ہوتی ہیں جب حکومت کو درپیش خطرے کے ثبوت موجود ہوں۔

دریں اثناء نائجیریا کی حکمران جماعت پی ڈی پی کے رہنماؤں نے بھی ایک پریس کانفرنس میں ان مخالف قوتوں پر تنقید کی جو بقول ان کے موجودہ حکومت کو غیر مستحکم کرنا چاہتی ہیں۔

یاد رہے کہ اسی ماہ کے آغاز میں نائجیریا کے صدر نےملک کے تیل پیدا کرنے والے نائجر ڈیلٹا کی ترقی کی ذمہ دار ایجنسی کے سربراہ کو رشوت ستانی کے الزامات پر معطل کر دیا تھا۔