ہیرے کےخریدار کیلیفورنامیں وقہ ایک تاجرہیں۔

نوادرات کے مشہور نیلام گھر سدابیز کے مطابق یہ ہیرا، جو وزن میں چوراسی قیراط سے بھی زیادہ ہے، سوئٹزرلینڈ کےشہر جنیوا میں فروخت ہوا ہے۔

اس ہیرے کو، جسے ایک کبوتر کے انڈے کے برابر بتایا جاتا ہے، تراشنے میں دو سال لگے ہیں جس کے بعد اب یہ اپنی طرز کا سب سے بڑا ہیرا ہے جو نیلامی کے لیے رکھا گیا ہے۔

اس کے خریدار امریکہ کے کپڑوں کے مشہور لیبل ’گیس‘ کے مالک جورجس مارکیانو ہیں جنہوں نے ٹیلیفون کے ذریعے بولی لگائی۔ اس ہیرے کو ’ ڈی کلر‘ کا درجہ دیا گیا ہے، جو کسی پتھر کے لیے سب سے بڑا ہے۔

نیلامی کے بعد آکشن ہاؤس سدابیز کے ڈیوڈ بینٹ نے کہا: ’میرے لیےمیرے بتیس سالہ کریئر میں یہ ہیرا سب سے زیادہ خوبصورت ہیروں میں شامل ہے۔‘

اس نیلامی میں گلابی ہیرے، چوکور زمورد اور چوڑیوں کے لیے نیلم بھی رکھے گئے تھے مگر نیلامی کے کتابچے میں اس ہیرے کو ’خالص‘ ہونے کا درجہ دیا گیا تھا۔

مگر اتنے بڑے ہیرے کا کیا استمعال ہوسکتا ہے اس پر ڈیوڈ بینٹ نے جواب دیا کہ شاید یہ انگوٹھی میں جڑوانے کے لیے بہت بڑا ہو! مگر ان کے مطابق اِسے ہار میں لگوانا چاہے۔ جب کہ ایک زیورات کی آرائش کرنے والے نے مشورہ دیا ہے کہ اسے چوڑی میں لگوانا بہتر ہے تاکہ پہننے والا اسے دیکھ بھی سکے۔