ابوبکر کے گھر پر چھاپہ گانگریس کے رکن ولیم جیفرسن سے تعلق کے شبہ میں مارا گیا

تاہم ایف بی آئی کے حکام نے یہ تصدیق نہیں کی کہ یہ چھاپہ گانگریس کے رکن ولیم جیفرسن اور اتیکو ابو بکر کے درمیان تعلقات کے شبہ میں مارا گیا ہے۔ چھاپہ تین اگست کومارا گیا تھا۔

گانگریس کے رکن ولیم جیفرسن ایک بڑی کمپنی کو سرمایہ فراہم کرنے پر تفتیش کا سامنا کر رہے ہیں۔ ان کی جائیداد کی بھی چھان بین کی گئی ہے۔

ابو بکر کی جانب سے اس سارے معاملے پر کوئی ردعمل سامنے نہیں آیا ہے۔

جیفیرسن ڈیموکریٹک پارٹی سے تعلق رکھتے ہیں اور آٹھ سال سے ایوان نمائندگان کے رکن ہیں۔ ان کے خلاف ایف بی آئی کی تفتیش کا آغاز ایک بین الاقوامی ٹیلی کمیونیکیشن کمپنی سے معاہدہ کے بعد کیا گیا تھا۔

ایک اخبار کی رپورٹ کےمطابق جیفیرسن، نایجیریا کے نائب صدر اتیکو ابوبکراور گھانا کےنائب وزیراعظم علیو کاماہامہ کے درمیان تعلقات کا بڑا دلچسپ رخ سامنے آیاہے۔

رپورٹ میں کہا گیا ہے کہ جیفیرسن نےجولائی کے وسط میں گھانا کا دورہ کیا۔

ابو بکر ہر سال کچھ ماہ پوٹومک، میری لینڈ میں واقع اپنے مذکورہ گھر میں قیام کرتے ہیں۔

ان کی بیوی جینیفر واشنگٹن میں امریکن یونیورسٹی میں ڈاکٹریٹ کی طالبہ ہیں۔