ذوالفقار علی بی بی سی، اردو ڈاٹ کام، مظفرآباد

	سڑکوں کی خستہ حالت کی وجہ سے حادثات بڑھ گئے ہیں

پولیس حکام کا کہنا ہے کہ یہ مسافر وین ایک گاؤں بیڑی چوکی سے مظفرآباد آرہی تھی کہ بٹ درہ کے مقام پر موڑ کاٹتے ہوئے دو سو فٹ نیچے گہری کھائی میں گرگئی۔

اس حادثے کے نتیجے میں مظفرآباد کے ڈپٹی کمشنر چودھری امتیاز کے مطابق ایک ہی خاندان کے آٹھ افراد ہلاک ہوگئے جن میں چار خواتین اور دو بچے بھی شامل ہیں۔

اس کے علاوہ اُن کے کہنے کے مطابق حادثے میں چھ افراد زخمی بھی ہوئے اور انہیں مظفرآباد کے ایک ہسپتال میں منتقل کر دیا گیا ہے۔

پولیس کا کہنا ہے کہ حادثے کی وجہ جاننے کے لئے تحقیقات کی جا رہی ہے۔