عبادالحق بی بی سی اردو ڈاٹ کام، لاہور

	ویگن موڑ کاٹتے ہوئے پھسل کر نہر میں جا گری(فائل فوٹو)

مقامی ڈی ایس پی راجہ خالد پرویز نے بی بی سی سے بات کرتے ہوئے انیس ہلاکتوں کی تصدیق کی ہے۔

ان کے بقول یہ وین مختلف علاقوں سے بچوں کو لے کر واں بچھراں کے علاقہ میں واقع سکولوں میں چھوڑنے کے لیے جا رہی تھی۔ پولیس آفیسر کا کہنا ہے کہ سکول وین اس وقت نہر میں جاگری جب وہ نہر پر موجود ایک چھوٹے پل سے گزر رہی تھی کہ بارش کی وجہ سے موڑ کاٹتے ہوئے پھسل کر نہر میں جا گری۔

پولیس کے مطابق ڈرائیور سمیت چودہ بچوں کی لاشوں کو نہر سے باہر نکال لیا گیا ہے جبکہ دیگر کی تلاش جاری ہے اور انتظامیہ اور علاقے کے لوگ امدادی کاموں میں مصروف ہیں۔

پولیس آفیسر خالد پرویز کے بقول وین میں ڈرائیور سمیت اکیس بچے سوار تھے اور ان بچوں کی عمریں گیارہ سے سترہ سال تک تھیں۔ ہلاک ہونے والوں میں چار بہن بھائی بھی شامل ہیں جبکہ ایک لڑکی خدیجہ اوراس کے بھائی عاطف زندہ بچ گئے ہیں۔