رفعت اللہ اورکزئی بی بی سی اردو ڈاٹ کام، پشاور

	پولیو ویکسینیشن کی مہم میں شامل لوگوں کی ہلاکتیں بھی ہو چکی ہیں

مہمند ایجنسی کے پولیٹکل ذرائع کے مطابق یہ واقعہ سنیچر کی شام آنبار تحصیل کے علاقے میں اس وقت پیش آیا جب پولیو مانیٹرنگ افیسر شاہد علاقے میں پولیو کی مہم کی نگرانی کرنے آئے تھے۔

پشاورمیں پراوینشنل پروگرام برائے ای پی آئی ڈاکٹر وحید خان نے تصدیق کی کہ شاہد کو نامعلوم مسلح افراد نے اغواء کر کے کسی نامعلوم مقام پر منتقل کردیا ہے۔ ان کےمطابق فوری طور پر کسی نے اغواء کی ذمہ داری قبول نہیں کی ہے۔

گزشتہ چند روز سے صوبۂ سرحد اور قبائلی علاقوں میں بچوں کو پولیو ویکسینیشن کے قطرے پلانے کی مہم جاری ہے۔ اس سے قبل بھی قبائلی علاقوں میں پولیو ویکسینیشن کے مہم میں حصہ لینے والے محکمۂ صحت کے اہلکاروں پر حملے ہوتے رہے ہیں جس میں ہلاکتیں بھی ہوچکی ہیں۔