ایوب ترین کوئٹہ

	اسلم بھوتانی نے کہا کہ رازق بگٹی حکومت بلوچستان کے باقاعدہ ملازم نہیں تھے

رازق بگٹی قاتلانہ حملے میں ہلاک

حکومت نے نہ تو سیلاب سے متاثرہ لوگوں کی امداد کی ہے اور نہ ہی کوئی انٹرنیشنل کانفرنس بلائی ہے اور نہ ہی لوگوں کیلیے مکانا ت تعمیر کا کام شروع ہوا ہے   جان محمد بلیدی

یاد رہے کہ رازق بگٹی کو تقریبا دو ہفتے قبل کوئٹہ میں مبینہ طور پر بلوچ شد ت پسندوں نے قتل کر دیا تھا جس کے بعد پولیس ایک سو پچاس مشکوک افراد کوگرفتار بھی کر چکی ہے۔ گرفتار کیے جانے والے ان لوگوں میں زیادہ تر بلوچ طلبہ تنظیم بی ایس او کے کارکن ہیں۔

دوسری جانب بلوچستان اسمبلی میں نیشنل پارٹی سے تعلق رکھنے والے رکن اسمبلی جان محمد بلیدی نے صوبے میں سیلاب سے تباہ کاریوں کے حوالے سے ایک تحریک التوا پیش کی جو بعد میں حزب اختلاف اور حکمران جماعتوں کے ارکان نے نو اگست کو ایک مشرکہ قرارداد لانے کی منظوری دی۔

تحریک التواءکے محرک جان محمد بلیدی نے بی بی سی اردوڈاٹ کام کوبتایا کہ چھبیس جون کے سیلاب اور بارشوں نے تیس بتیس اضلاع کو شدید متاثر کیا ہے مگراس کے باوجود حکومت نے نہ تو ان لوگوں کی امداد کی ہے اور نہ ہی کوئی انٹرنیشنل کانفرنس بلائی ہے اور نہ ہی لوگوں کیلیے مکانات کی تعمیر کا کام شروع ہوا ہے۔ جس کی وجہ سے اب تک صوبے کے مختلف علاقوں میں متاثرہ لوگ بھوک ہڑتال پر بیٹھے ہوئے ہیں کیونکہ ان لوگوں کے مال مویشی اور زراعت مکمل طور پر تباہ ہوئی ہے۔

اس موقع پر وزیراعلی بلوچستان میر جام محمد یوسف نے کہا کہ صوبہ بھرمیں امدادی کام تیزی سے جاری ہے اور صوبائی حکومت نے وفاقی حکومت سے کہا ہے کہ متاثرہ افراد کے مکانات کی تعمیر کا کام شروع کیا جائے کیونکہ جب تک انہیں مکانات نہیں بنا کردیے جائیں گے اس وقت تک یہ لوگ مانگتے رہیں گے۔

ہزار سے زیادہ ہلاک  آزاد ذرائع سیلاب سے ہلاک ہونے والوں کی تعداد ایک ہزار سے زیادہ بتاتے ہیں جب کہ ایک لاکھ سے زیاد ہ مکانات منہدم ہونے کی تصدیق کر رہے ہیں   آزاد ذرائع

واضع رہے کہ صوبے میں مختلف غیر سرکاری اور عالمی فلاحی اداروں نے کہاہے کہ انہیں حکومت کی جانب سے فلاحی کاموں کیلیے این او سی لینے میں دشواریاں درپیش ہیں۔

آزاد ذرائع سیلاب سے ہلاک ہونے والوں کی تعداد ایک ہزار سے زیادہ بتاتے ہیں جب کہ ایک لاکھ سے زیاد ہ مکانات منہدم ہونے کی تصدیق کر رہے ہیں لیکن صوبائی حکومت کے مطابق کہ حالیہ سیلاب اور بارشوں سے چونتیس ہزار مکانات تباہ ہوئے ہیں۔