ریاض سہیل بی بی سی اردو ڈاٹ کام، کراچی

	سٹی ناظم کا کہنا ہے کہ شہری حکومت کی حدود میں کوئی بھی ہورڈنگ نہیں گرا ہے

کراچی پولیس کے سربراہ اظہر فاروقی کا کہنا ہے کہ حکومتی کی جانب سے یہ مقدمات مالکان کے خلاف نہیں بلکہ اداروں کے خلاف دائر کیے گئے ہیں۔ ان کے مطابق ان کمپنیوں کے ہورڈنگز گرنے سے کوئی چار ہلاکتیں ہوئی تھیں۔

صوبائی مشیر داخلہ وسیم اختر کا کہنا ہے کہ کنٹونمنٹ اور ڈیفنس ہاؤسنگ اتھارٹی سمیت تمام شہری اداروں کو کہا گیا ہے کہ ان کی حدود میں جو کمزور سائن بورڈ ہیں ان کو ہٹا دیا جائے۔

دوسری جانب ایک ایڈورٹائزنگ کمپنی کے اہلکار محمد امجد کا کہنا تھا کہ جو اموات ہوئی ہیں وہ بجلی کے کھمبے اور دیواریں گرنے سے ہوئی ہیں۔ ان کی اطلاعات کے مطابق صرف آٹھ افراد کی موت سائن بورڈ گرنے سے ہوئی۔

	گزشتہ سال کی بارش میں بھی اسی طرح درخت اور سائن بورڈ گرے تھے

ان کا کہنا تھا کہ چھوٹا یا بڑا جو بھی سائن بورڈ لگایا جاتا ہے۔ وہ قانونی تقاضے پورے کرنے کے بعد ہی لگایا جاتا ہے۔ ایسا نہیں ہوتا کہ شہر میں بغیر منظوری کے کوئی بورڈ لگا دیا جائے۔

شہر کی تمام اہم شاہراؤں پر بڑے بڑے سائن بورڈ آویزاں ہیں جن کے ذریعے مختلف اشیا کی پبلسٹی یا تشہیر کی جاتی ہے۔

طوفانی بارش کے دوران یہ سائن بورڈ یا تو راہ گیروں پر گرے یا بجلی اور ٹیلی فون کی تاروں پر جس سے مواصلاتی نظام درہم برہم ہوگیا تھا۔

سٹی ناظم مصطفیٰ کمال کا کہنا ہے کہ شہری حکومت کی حدود میں کوئی بھی ہورڈنگ نہیں گرا ہے اور جتنے بھی ہورڈنگز گرے وہ تمام کنٹونمنٹ کے علاقوں میں گرے۔