پاکستان کے الیکشن کمیشن نے دوہری شہریت رکھنے والے افراد پر انتخابات میں حصہ لینے پر پابندی عائد کر دی ہے۔
الیکشن کمیشن کی جانب سے جاری کیے گئے بیان میں کہا گیا ہے کہ الیکشن کمیشن کے سیکریٹری نے اس سلسلے میں الیکشن اہلکاروں کو سخت ہدایات جاری کی ہیں۔
ہدایات کے مطابق ہر امیدوار برائے قومی یا صوبائی اسمبلی کو کاغذاتِ نامزدگی کے ساتھ اپنی شہریت کے معاملے میں بیانِ حلفی بھی جمع کرانا ہوگا۔
الیکشن کمیشن آف پاکستان کے سیکریٹری اشتیاق احمد خان کا کہنا تھا پاکستان کے آئین کے تحت ایسے افراد انتخابات میں حصہ لینے یا پارلیمان کا حصہ بننے کے اہل نہیں ’جن کی پاکستانی شہریت منسوخ ہو جائے یا وہ کسی اور ملک کی شہریت حاصل کر لیں‘۔
الیکشن کمیشن کے مطابق یہ پابندی سب سے پہلے خیبر پختونخوا کی سینیٹ کے ضمنی انتخابات میں لاگو کی جائے گی جن کے کاغذاتِ نامزدگی جمع کرانے کی آخری تاریخ اکیس دسمبر ہے۔
واضح رہے کہ دوہری شہریت کے معاملے کو قومی اسمبلی میں جاوید ہاشمی اور رضا حیات ہراج نے بھی اٹھایا تھا۔ ان کا موقف تھا کہ پرلیمان میں باز اراکین ایسے ہیں جن کے پاس دوہری شہریت ہے اور الیکشن کمیشن کیوں نہیں اس حوالے سے قدم اٹھاتی۔
~RS~a~RS~urdu~RS~q~RS~num_headlines=4&genre_name=homepage&enable_top_story_image=1&genre_path=/&genre_link=0&genre_title=اہم خبریں~RS~z~RS~32~RS~){kind=small}
