Advertisement
تازہ ترین خبریں
آخری وقت اشاعت: Tuesday, 17 november, 2009, 06:55 GMT 11:55 PST
ڈی آئی جی کے دفتر کے باہر ایک موٹر سائیکل پر بم نصب کیا گیا تھا
بلوچستان کے دارالحکومت کوئٹہ میں ایک ریموٹ کنٹرول بم دھماکے میں ایک شخص ہلاک اور ڈپٹی انسپکٹر جنرل پولیس آپریشن سمیت آٹھ افراد زخمی ہوئے ہیں جن میں چار پولیس اہلکار بھی شامل ہیں۔
کوئٹہ کے اسپنی روڈ پر منگل کے روز ایک زور دار بم دھماکہ ہوا جس میں ایک راہگیر ہلاک جبکہ ڈی آئی جی آپریشنز کوئٹہ شاہد نظام درانی سمیت آٹھ افراد زخمی ہوئے ہیں۔ زخمیوں میں چار پولیس اہلکار بھی شامل ہیں۔
پولیس کے مطابق کہ نامعلوم افراد نے منگل کی صبح ڈی آئی جی کے دفتر کے باہر ایک موٹر سائیکل پر بم نصب کیا اور اس وقت دھماکہ ہوا جب ڈی آئی جی شاہد نظام درانی اپنی گاڑی میں دفتر کے گیٹ پر پہنچے۔
دھماکے کے بعد تمام زخمیوں کو سول ہسپتال کوئٹہ منتقل کر دیاگیا اور ڈاکٹروں نے ابتدائی طبی امداد دینے کے بعد ڈی آئی جی کوئٹہ کو ہسپتال سے فارغ کر دیا جبکہ ان کے ڈرائیور کو شدید زخمی حالت میں سی ایم ایچ ہسپتال منتقل کر دیاگیا ہے۔
دھماکے کے بعد حکومت نے شہر میں حفاظتی انتظامات سخت کر دیے ہیں اور ملزمان کی تلاش شروع کر دی ہے لیکن تاحال کوئی گرفتاری عمل میں نہیں آئی اور نہ کسی گر وپ نے اس واقعہ کی ذمہ داری قبول کی ہے۔
فیچر اور تجزیے
~RS~a~RS~urdu~RS~q~RS~~RS~z~RS~30~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔