Advertisement
تازہ ترین خبریں
آخری وقت اشاعت: Friday, 13 november, 2009, 00:56 GMT 05:56 PST
انتخابات کے دوران اڑھائی سو کے قریب پولنگ سٹیشنز کو انتہائی حساس قرار دیا گیا تھا
گلگت بلتستان میں پولیس کا کہنا ہے کہ جمعرات کی رات کو قانون ساز اسمبلی کے انتخابات کے موقع پر دو حریف امیدواروں کے حمایتیوں کے درمیان مسلح تصادم کے نتیجے میں دو افراد ہلاک جبکہ دو زخمی ہوئے ہیں۔
پولیس کا کہنا ہے کہ گلگت بلتستان میں ضلع دیامر کے دریل علاقے میں جمعیت علماء اسلام (ف) کے امیدوار اور آزاد امیدوار کے حمایتیوں کے درمیان فائرنگ کا تبادلہ ہوا جس کے نتیجے میں دو افراد ہلاک اور دو زخمی ہو گئے۔
پولیس کا کہنا ہے کہ ہلاک ہونے والے آزاد امیدوار کے حمایتی تھے جبکہ زخمی ہونے والوں کا تعلق جمعیت علماء اسلام سے ہے۔
پولیس کا کہنا ہے کہ یہ واقعہ مقامی وقت کے مطابق رات کے پونے نو بجے پیش آیا۔پولیس اس واقعہ کی تحقیقات کر رہی ہے۔ پولیس کا کہنا ہے کہ ابھی تک اس سلسلے میں کوئی بھی گرفتاری عمل میں نہیں آئی ہے۔
گلگت بلتستان کے حکام کا کہنا ہے کہ اس پرتشدد واقعہ کے علاوہ علاقے میں انتخابات کے دوران مجموعی طور پر صورت حال پُر امن رہی اور کہیں اور سے کسی بڑے نا خوشگوار واقعہ کی اطلاع نہیں ملی ہے۔
جمعرات کے روز گلگت بلتستان میں قانون ساز اسمبلی کے انتخابات ہوئے۔یہ انتخابات تئیس نشستوں پر ہوئے اور ایک امیدوار کے انتقال کے باعث ایک نشست پر انتخابات ملتوی کردئے گئے۔
حکام کا کہنا ہے کہ انتخابات کے موقع پر امن و امان قائم رکھنے کے لیے پولیس اور نیم فوجی دستوں کے پانچ ہزار اہلکار تعینات کئے گئے تھے اور فوج کے جوان بھی علاقے میں گشت کرتے رہے۔
فیچر اور تجزیے
~RS~a~RS~urdu~RS~q~RS~~RS~z~RS~58~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔