Advertisement
تازہ ترین خبریں
آخری وقت اشاعت: Monday, 9 november, 2009, 05:57 GMT 10:57 PST
جنوبی وزیرستان میں فوجی آپریشن شروع ہونے کے بعد ہونے والے دھماکوں میں تقریباً تین سو افراد ہلاک ہو چکے ہیں
صوبہ سرحد کے دارالحکومت پشاور میں پولیس چوکی کے قریب ایک خودکش بم دھماکے میں تین افراد ہلاک جبکہ پانچ زخمی ہوگئے ہیں۔ دھماکے میں پولیس ناکے کو جزوی نقصان پہنچا ہے۔
پولیس کا کہنا ہے کہ پیر کی صبح دس بجے کے قریب رنگ روڑ کے پتنگ چوک میں ایک پولیس چوکی کے پاس ایک خود کش حملہ آور نے اس وقت دھماکہ کیا جب وہ چوکی کے قریب پہنچنے کی کوشش کر رہا تھا۔ پولیس کے مطابق خودکش دھماکے میں ایک پولیس اہلکار سمیت تین افراد ہلاک جبکہ پانچ زخمی ہو گئے ہیں۔
پولیس اہلکار ہارون نے بی بی سی کو بتایا کہ خودکش حملہ آور ایک رکشے میں آیا اور پولیس ناکے کے قریب اس نے دھماکہ کر دیا۔ انہوں نے کہا کہ دھماکے سے رکشہ مکمل طور پر تباہ جب کہ ناکے کو جزوی نقصان پہنچا ہے۔
اس دھماکے کی ذمہ داری ابھی تک کسی تنظیم نے قبول نہیں کی ہے۔ البتہ پشاور میں ہی گزشتہ روز ایک ناظم پر ہونے والی خودکش دھماکے کی ذمہ داری طالبان نے قبول کی تھی۔ اس خودکش دھماکے میں ناظم عبدالمالک سمیت تیرہ افراد ہوگئے تھے۔
خیال رہے کہ پاکستان فوج کی قبائلی علاقے جنوبی وزیرستان میں فوجی کارروائی شروع ہونے کے بعد سے ملک میں ہونے والے بم دھماکوں اور خودکش حملوں میں اب تک تین سو کے قریب افراد ہلاک ہو چکے ہیں۔
فیچر اور تجزیے
اس وقت کی مقبول ترین خبریں
~RS~a~RS~urdu~RS~q~RS~~RS~z~RS~09~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔