Advertisement
تازہ ترین خبریں
آخری وقت اشاعت: Saturday, 7 november, 2009, 12:44 GMT 17:44 PST
ممبئی حملوں کے حوالے سے اس وقت سات ملزمان گرفتار اور سات مفرور ہیں
ممبئی حملوں کے حوالے سے راولپنڈی میں انسداد دہشت گردی کی عدالت کے جج نے آج ملزمان کے وکیل کی درخواست قبول کر لی ہے جس میں انھوں نے چارج شیٹ کی ایک کاپی کا مطالبہ کیا ہے۔
اڈیالہ جیل میں جاری اس کیمرہ سماعت کے دوران انسداد دہشت گردی کی عدالت نمبر ایک کے جج اکرم اعوان نے ملزمان کی درخواست منظور کر لی ہے۔ اس درخواست میں ملزمان کے وکیل نے کہا ہے کہ ملزمان پر عائد مقدمات کی چارج شیٹ کی ایک کاپی ان کے حوالے کی جائے ۔ یہ درخواست ملزمان کی جانب سے گزشتہ سماعت کے دوران جمع کرائی گئی تھی۔
جج نے آئندہ سماعت کے لیے چودہ نومبر کی تاریخ مقرر کی ہے۔ ممبئی حملوں کے حوالے سے اس وقت سات ملزمان گرفتار اور سات مفرور ہیں۔
یا د رہے اس سے پہلے اس مقدمے کی سماعت انسداد دہشت گردی کی عدالت نمبر دو میں ہو رہی تھی جس پر ملزمان نے لاہور ہائی کورٹ سے رابطہ کیا تھا۔ ہائی کورٹ نے ملزمان کے وکیل کی درخواست پر مقدمے کی سماعت انسداد دہشت گردی کی عدالت نمبر ایک میں منتقل کرنے کا حکم دیا تھا۔
اس کے علاوہ آج راولپنڈی کی ایک عدالت نے ہائی کورٹ حملے کے مقدمے کے سلسلے میں وفاقی وزیر پانی و بجلی راجہ پرویز اشرف اور ان کے تین ساتھیوں کے پانچویں مرتبہ وارنٹ گرفتاری جاری کیے ہیں۔
ہائی کورٹ حملے کے حوالے سے مقدمہ ایئرپورٹ تھانے میں درج ہوا تھا۔ اس مقدمے کی آئندہ سماعت اب اکیس نومبر کو ہوگی۔
فیچر اور تجزیے
~RS~a~RS~urdu~RS~q~RS~~RS~z~RS~29~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔