Advertisement
تازہ ترین خبریں
آخری وقت اشاعت: Friday, 6 november, 2009, 09:35 GMT 14:35 PST
پولیس اہلکاروں کی جوابی فائرنگ سے شدت پسند ہلاک ہوئے
پاکستان کے صوبہ سرحد کے ضلع مانسہرہ میں پولیس اور شدت پسندوں کے درمیان فائرنگ کے تبادلے میں دو شدت پسند ہلاک جبکہ دو پولیس اہلکار زخمی ہوگئے ہیں۔
پولیس نے شدت پسندوں کی گاڑی سے خودکش جیکٹس اور بارود بھی برآمد کیا ہے۔
مقامی پولیس اہلکار سجاد خان نے بی بی سی کو بتایا کہ جمعہ کوگیارہ بجے کے قریب مانسہرہ سے تقریباً چالیس کلومیٹر دور مشرق کی جانب تحصیل بالاکوٹ میں پولیس اور شدت پسندوں کے درمیان اُس وقت فائرنگ کا تبادلہ شروع ہوا جب مانسہرہ کی طرف سے آنے والی گاڑی کو پولیس نے آسہ پُل کے قریب رُکنے کا اشارہ کیا۔
پولیس اہلکار کا کہنا تھا کہ روکے جانے پرگاڑی سے فائرنگ شروع ہو گئی اور پولیس کی جوابی فائرنگ سے گاڑی میں سوار دونوں شدت پسند مارے گئے جبکہ شدت پسندوں کی فائرنگ سے حوالدار ظفر خان اور کانسٹیبل انجم شاہد شدید زخمی ہوگئے۔
پولیس اہلکار کا کہنا تھا کہ شدت پسندوں کی گاڑی سے خودکش جیکٹس اور بھاری مقدار میں بارود برآمد ہوا ہے۔
پولیس حکام نے اس واقعہ کی تحقیقات شروع کر دی ہیں تاہم حکام کے مطابق ابھی تک یہ معلوم نہیں کہ شدت پسندوں کا تعلق کس گروپ سے تھا۔
فیچر اور تجزیے
~RS~a~RS~urdu~RS~q~RS~~RS~z~RS~56~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔