Advertisement
تازہ ترین خبریں
آخری وقت اشاعت: Thursday, 5 november, 2009, 09:09 GMT 14:09 PST
گیارہ ملزمان کوگرفتار کر کے ان سے تفتیش شروع کر دی گئی ہے
پاکستان کے سرحدی شہر چمن میں سکیورٹی فورسز اور اغواء کاروں کے درمیان ایک مقابلے میں پانچ مبینہ اغواء کار ہلاک ہو گئے ہیں جبکہ ان کا سرغنہ افغانستان کی طرف فرار ہونے میں کامیاب ہو گیا۔
چمن پولیس کے مطابق بوغرہ کے مقام پر جمعرات کی صبح پولیس اور انسدادِ دہشتگردی فورس نے ایک مشترکہ کارروائی کی جس کے نتیجے میں پانچ مبینہ اغواء کار ہلاک اور گیارہ کو گرفتار کر لیا گیا۔ تاہم ان کا سرغنہ طالب جمال زئی افغانستان کے پہاڑی علاقے کی طرف فرار ہونے میں کامیاب ہو گیا۔
حکام کا کہنا ہے کہ کارروائی میں سکیورٹی فورسز نے نے بھاری تعداد میں اسلحہ برآمد کیا اور اغواء کاروں کے ٹھکانے بھی تباہ کیے۔ چمن کے مقامی صحافی اصغر اچکزئی کے مطابق سکیورٹی فورسز اور اغواء کاروں کے درمیان فائرنگ کا سلسلہ تین گھنٹے تک جاری رہا۔
ڈسٹرکٹ پولیس آفیسر چمن حامد شکیل نے بتایا کہ واقعہ میں ہلاک ہونے والے زیادہ تر افغانی ہیں اور ان کی لاشیں شناخت کے لیے سول ہسپتال چمن لائی جارہی ہیں جبکہ گیارہ ملزمان کوگرفتار کر کے ان سے تفتیش شروع کر دی گئی ہے۔
طالب جمال زئی کے بارے میں کہا گیا ہے کہ وہ قندھار کے رہائشی ہیں اور افغانستان میں طالبان دور حکومت کے دوران کمانڈر بھی رہ چکے ہیں۔ وہ اغواء اور قتل کے کئی مقدمات میں پاکستان اور افغانستان کو مطلوب ہیں۔ جمعرات کے واقعہ کے بعد دونوں ممالک نے سر حد پر سکیورٹی سخت کر دی ہے اور ملزم کی تلاش میں مختلف مقامات پر چھاپے مارنے کا سلسلہ شروع کر دیا ہے۔
فیچر اور تجزیے
~RS~a~RS~urdu~RS~q~RS~~RS~z~RS~20~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔