Advertisement
تازہ ترین خبریں
آخری وقت اشاعت: Wednesday, 4 november, 2009, 11:44 GMT 16:44 PST
تہتر فیصد لوگوں کی رائے میں ملک میں دہشت گردی کی شرح میں اضافہ جبکہ سولہ فیصد عوام کے خیال میں کمی آئی ہے
پاکستان میں ایک تازہ سروے کے مطابق چوالیس فیصد لوگ حکومت کی انسداد دہشت گردی کی کوششوں کو ناکام جبکہ اتنے ہی لوگوں نے ان کوششوں کو کسی حد تک کامیاب قرار دیا ہے۔ تاہم محض نو فیصد عوام حکومتی اقدامات کو بہت کامیاب پاتی ہے۔
ایک تحقیقاتی تنظیم گیلانی ریسرچ فاونڈیشن کے گیلپ پاکستان کے ذریعے کیے جانے والے اس سروے کے مطابق شہری علاقوں میں بسنے والے افراد کا نصف یعنی چھپن فیصد موجودہ حکومت کے دہشت گردی کے خاتمے کے لیے اقدامات سے مطمئین نہیں ہیں۔ دیہی علاقوں میں تاہم اڑتالیس فیصد اس بات کے معترف ہیں کہ حکومتی اقدامات کی افادیت ہے۔
اس سروے کے دوران دو ہزار سات سو پینسٹھ افراد سے چاروں صوبوں میں گزشتہ ماہ یہ رائے جاننے کی کوشش کی گئی تھی۔
سروے کے مطابق اکاون فیصد عوام فوجی آپریشن کی حامی ہے جبکہ تیرہ فیصد اس کی مخالفت کر رہے ہیں۔ تاہم چھتیس فیصد ایسے بھی ہیں جو ابہام کا شکار ہیں اور نہیں جانتے کہ انہیں اس کارروائی کی حمایت کرنی چاہیے یا مخالفت۔
قدرے دلچسپ بات پینتیس فیصد اکثریت کے خیال میں امریکہ اس فوجی کارروائی کی بڑی وجہ ہے۔ پچیس فیصد طالبان جبکہ اکتیس فیصد حکومت پاکستان کو اس کا ذمہ دار ٹھراتے ہیں۔ انتالیس فیصد کے نزدیک یہ امریکہ کی جنگ ہے جبکہ سینتیس فیصد اسے پاکستان کی جنگ قرار دیتے ہیں۔
سروے کے مطابق سینتیس فیصد کے خیال میں فوجی کارروائی سے حالات بہتر کی بجائے خراب ہوں گے جبکہ چھتیس فیصد کو بہتری کی امید ہے۔
تہتر فیصد لوگوں کی رائے میں ملک میں دہشت گردی کی شرح میں اضافہ ہوا ہے۔ محض سولہ فیصد عوام کے خیال میں شدت پسندی میں کمی آئی ہے۔
فیچر اور تجزیے
~RS~a~RS~urdu~RS~q~RS~~RS~z~RS~32~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔