Advertisement
تازہ ترین خبریں
آخری وقت اشاعت: Tuesday, 3 november, 2009, 08:38 GMT 13:38 PST
علامہ اقبال ایکسپریس کے ڈرائیور نے ریڈ سگنل نہیں دیکھا تھا: ایس ایس پی ریلوے
پاکستان کے شہر کراچی کے قریب مسافر ٹرین علامہ اقبال ایکسپریس کے مال بردار ریل گاڑی سے تصادم میں سترہ افراد ہلاک اور 44 زخمی ہوگئے ہیں۔
منگل کو یہ حادثہ قائد آباد کے قریب جمعہ گوٹھ کے مقام پر پیش آیا۔ ریلوے پولیس کا کہنا ہے کہ علامہ اقبال ایکسپریس سیالکوٹ سے کراچی آ رہی تھی جب کہ مال گاڑی اندرون ملک جا رہی تھی۔ ایس ایس پی ریلوے مظفر شیخ کا کہنا ہے کہ حادثے میں سترہ افراد ہلاک اور اڑتیس زخمی ہوئے ہیں۔ ان کا کہنا تھا کہ ان سترہ افراد میں سے تین کی لاشیں ابھی بھی ٹرین میں پھنسی ہوئی ہیں۔
حادثے کے بعد ایدھی، ریلوے اور شہری حکومت کی امدادی ٹیمیں موقع پر پہنچ گئی ہیں۔ حادثے میں علامہ اقبال ایکسپریس کے انجن کے ساتھ جڑی پہلی دو مسافر بوگیاں شدید متاثر ہوئی ہیں۔ ایک بوگی کے دروازے بھی بند ہو گئے جس کی وجہ سے زخمیوں اور ہلاک ہونے والوں کو کھڑکیاں کاٹ کر نکالا گیا۔ زخمیوں کو جناح ہسپتال منتقل کیا گیا ہے۔
حادثے کی وجہ سے اندرون ملک ریلوے کی آمدو رفت ابھی تک معطل ہے اور ٹرینوں کو حیدرآباد، جھمپیر اور کوٹری کے مقام پر روکا گیا ہے۔ حکام کا کہنا ہے کہ آئندہ تین سے چار گھنٹوں میں ٹریک بحال کردیا جائے گا۔ ریلوے کی کرین ٹرین جائے حادثہ پر پہنچ گئی ہے اور متاثرہ ٹرینوں کو ہٹانے کی کوشش کی جا رہی ہے۔
ایس پی ریلوے کا کہنا ہے کہ سیالکوٹ سے آنے والی علامہ اقبال ایکسپریس کے ڈرائیور نے ریڈ سگنل نہیں دیکھا تھا جس وجہ سے حادثہ پیش آیا ہے۔
فیچر اور تجزیے
~RS~a~RS~urdu~RS~q~RS~~RS~z~RS~24~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔