Advertisement
تازہ ترین خبریں
آخری وقت اشاعت: Friday, 10 july, 2009, 11:05 GMT 16:05 PST
ظہیر برفت کو روہڑی کے قریب ٹرین میں سے گرفتار کیا گیا تھا: ورثاء
سندھ کی ایک قوم پرست جماعت کے سربراہ کے بھائی کی گمشدگی پر ان کے ورثاء نے احتجاج کیا ہے۔
ظھیر برفت کی خواتین ورثاء خالدہ اور مورزادی برفت نے الزام لگایا کہ ظھیر برفت کو خفیہ ایجنسیوں نے اٹھایا ہےاور انہیں کسی عدالت میں پیش نہیں کیا جا رہا۔
خالدہ اور مورزادی برفت کی سربراہی میں حیدرآباد پریس کلب کے سامنے احتجاجی مظاہرہ کیا گیا۔ ظھیر کی ہمشیرہ مورزادی کا کہنا تھا کہ ظھیر کو چند روز قبل اس وقت اغواء کیا گیا جب وہ ایک انٹرویو دینے کے بعد اسلام آباد سے واپس حیدرآباد آرہے تھے۔
چند روز قبل رینجرز اور پولیس کی بھاری نفری نے کوئٹہ ایکسپریس کو روہڑی کے قریب سانگی سٹیشن پر روک کر دو گھنٹے تک تلاشی لی تھی۔ ورثاء کا کہنا ہے کہ خفیہ ایجنسیوں کے اہلکار رینجرز کے ساتھ تھے اور انہوں نے ٹرین سے ظھیر کو زیر حراست لیا تھا۔
سندھ میں تعینات رینجرز کے ترجمان سے بی بی سی نے فون پر رابطہ کیا مگر ان کا کہنا تھا کہ وہ دفتری کام کی وجہ سے اسلام آباد میں ہیں اور انہیں اس قسم کی کسی گرفتاری کا علم نہیں ہے۔
تیس سالہ ظھیر برفت جئے سندھ متحدہ محاذ نامی قومپرست جماعت کے چیئرمین شفیع محمد برفت کے چھوٹے بھائی ہیں۔ سندھ پولیس نے حالیہ دنوں صوبے کے اندر ریلوے لائینوں اور پٹھانوں کی دوکانوں پر بم دھماکوں کے مقدمے میں شفیع برفت اور ان کے ساتھیوں کے خلاف مختلف تھانوں میں رپورٹ درج کیے ہیں۔ شفیع برفت کے اہل خانہ میں سے یہ کسی کی پہلی گرفتاری بتائی جاتی ہے۔
شفیع برفت کئی برسوں سے روپوشی کی زندگی گزار رہے ہیں اور مشرف دور میں ان کی جماعت کے درجن بھر کارکن لاپتہ ہوئے تھے۔
فیچر اور تجزیے
~RS~a~RS~urdu~RS~q~RS~~RS~z~RS~46~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔