Advertisement
تازہ ترین خبریں
آخری وقت اشاعت: Friday, 10 july, 2009, 07:21 GMT 12:21 PST
حملے کے بعد ایف سی کے جوانوں نے جوابی کارروائی بھی کی
پاکستان کے قبائلی علاقے باجوڑ ایجنسی میں حکام کے مطابق نامعلوم شدت پسندوں نے لیویز کی ایک چیک پوسٹ پر حملہ کیا ہے جس کے نتیجہ میں چار اہلکار ہلاک ہوگئے ہیں۔ ادھر ہنگو میں بارودی سرنگ کے حملہ میں ایک شخص مارا گیا ہے۔
مقامی انتظامیہ کا کہنا ہے کہ جمعہ کو صُبح تین بجے باجوڑ ایجنسی کے صدر مقام خار میں نامعلوم شدت پسندوں نے لیویز کی ایک حفاظتی چوکی پر راکٹوں اور خودکار ہتھیاروں سے حملہ کیا جس دوران کئی گولے چیک پوسٹ کے عمارت پر گرے۔ اس حملے کے نتیجے میں چار لیویز اہلکار ہلاک ہوگئے جبکہ انتظامیہ کے مطابق دھماکوں سے چیک پوسٹ بھی مکمل طورپر تباہ ہوگئی ہے۔
انتظامیہ کا یہ بھی کہنا ہے کہ شدت پسندوں کے حملے کے بعد سکیورٹی فورسز نے بھی جوابی کاروائی کی جس میں توپخانے کا استعمال بھی کیا گیا۔ حکام کے مطابق جوابی کارروائی میں شدت پسندوں کے کئی ٹھکانوں نشانہ بنایا گیا لیکن اس میں کسی جانی نقصان کی اطلاع نہیں ملی ہے۔
ادھر ضلع ہنگو میں سکیورٹی فورسز کے لیے راشن لے جانے والی ایک گاڑی بارودی سرنگ سے ٹکرا گئی جس کے نتیجہ میں ایک شخص ہلاک ہوگیا۔ پولیس کا کہنا ہے کہ یہ واقعہ جمعہ کو ہنگو کے علاقے تورہ غنڈی میں پیش آیا۔ حکام کے مطابق تباہ ہونے والی گاڑی کُرم ایجنسی کی سرحد پر تعینات سکیورٹی فورسز کے لیے راشن لے جارہی تھی کہ بارودی سرنگ کا نشانہ بنی۔
فیچر اور تجزیے
اس وقت کی مقبول ترین خبریں
~RS~a~RS~urdu~RS~q~RS~~RS~z~RS~50~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔