Advertisement
تازہ ترین خبریں
آخری وقت اشاعت: Thursday, 16 april, 2009, 07:18 GMT 12:18 PST
ملزم کی بیوی طاہرہ نے اعتراف کیا ہے کہ یہ قتل ان کے شوہر نے کیے ہیں: پولیس
پولیس کا کہنا ہے کہ صوبہ پنجاب کے ضلع سیالکوٹ میں بظاہر جائیداد کے تنازعے پر بھائی نے بھائی اور بھابھی کے ساتھ ان کے آٹھ بچوں کو قتل کردیا ہے۔
سیالکوٹ میں واقع جلپی گاؤں کے متعلقہ تھانے کے محرر پرویز احمد نے بی بی سی سے بات کرتے ہوئے کہا کہ یہ واقعہ بدھ اور جمعرات کی درمیانی شب کو پیش آیا۔
پولیس کے مطابق مقتول جاوید اقبال مکان سے ملحقہ حویلی میں سو رہے تھے جب ان کے بھائی ظفر نے کلہاڑی کے وار کر کے انہیں ہلاک کیا اور بعد ازاں مکان کے اندر سوئی ہوئی ان کی بیوی فہمیدہ اور آٹھ بچوں کو کلہاڑی ہی کے ذریعے قتل کر دیا۔ قتل کیے گئے بچوں میں سب سے بڑے کی عمر دس سال بتائی جاتی ہے۔
پولیس اہلکار کے مطابق ملزم کی بیوی طاہرہ کو پولیس نے حراست میں لے لیا ہے اور دوران تفتیش طاہرہ نے اعتراف کیا ہے کہ یہ قتل ظفر نے کیے ہیں اور واردات کے بعد وہ اپنے گھر جا کر خون آلود کپڑے تبدیل کر کے فرار ہو گئے۔ پولیس کے مطابق دس افراد کا قتل بظاہر جائیداد کے تنازعے پر کیا گیا ہے۔
سیالکوٹ پولیس نے ملزم کی گرفتاری کے لیے چار ٹیمیں تشکیل دے دیں ہیں جبکہ مقتولین کے لواحقین ابھی تک گرفتاری نہ ہونے پر سراپا احتجاج ہیں۔
فیچر اور تجزیے
اس وقت کی مقبول ترین خبریں
~RS~a~RS~urdu~RS~q~RS~~RS~z~RS~29~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔