Advertisement
تازہ ترین خبریں
آخری وقت اشاعت: Monday, 6 April, 2009, 20:41 GMT 01:41 PST
حملے کی ذمہ داری بلوچ شدت پسند تنظیم نے قبول کی ہے
صوبہ بلوچستان کے شہر سوئی کے قریب نامعلوم افراد نے فرنٹیئر کور کے ایک قافلے پر حملہ کیا ہے جس میں سرکاری سطح پر چار افراد کے زخمی ہونے کی تصدیق کی گئی ہے جبکہ مقامی لوگوں کے مطابق اس حملے میں چار اہلکار ہلاک اور دو زخمی ہوئے ہیں۔
سوئی سے پولیس حکام نے بتایا ہے کہ زین کوہ کے قریب فرنٹیئر کور کے اہلکار معمول کے گشت پر تھے کہ اس دوران بارودی سرنگ کا دھماکہ ہوا جس میں چار اہلکار زخمی ہوئے ہیں۔ تاہم اس بارے میں مقامی لوگوں نے بتایا ہے کہ سوئی سے کچھ فاصلے پر جوڈیر کے مقام پر ایف سی کی گاڑی کے قریب ریموٹ کنٹرول دھماکہ ہوا جس کے بعد فائرنگ کی آوازیں بھی سنی گئی ہیں۔
مقامی ذرائع کے مطابق اس حملے میں ایف سی کے چار اہلکار ہلاک اور دو زخمی ہوئے جنہیں سوئی ہسپتال لایا گیا ہے۔
دریں اثنا اپنے آپ کو کالعدم تنظیم بلوچ ریپبلکن آرمی کا ترجمان ظاہر کرنے والے سرباز بلوچ نامی شخص نے اس حملے کی ذمہ داری قبول کرتے ہوئے دعوٰی کیا ہے کہ اس حملے میں ایف سی کے چھ اہلکار ہلاک ہوئے ہیں۔
فیچر اور تجزیے
~RS~a~RS~urdu~RS~q~RS~~RS~z~RS~28~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔